Page 18 - MIN ECEM 21 JAN 2017

Brandweer Aruba lo ricibi un Crash-

Truck nobo un truck special pa airport.

BY: LOOP NEWS
19:10, January 20, 2017

21 VIEWS

Den siman un delegacion chikito di Brandweer Aruba a sali rumbo pa Minesota, Merca pa bay controla

e detayenan pa e truck nobo cu pronto lo mester drenta den servicio na Aruba.

Cada tanto tempo Brandweer, mescos cu e diferente otro instancianan na Aruba cu ta uza vehiculonan special,
mester evalua y calcula ora mester cambia un di esakinan pa motibo cu nan ta bira obsoleto.

Den transcurso di e añanan ekipo ta daña of no ta haya piesa mas pa nan. E ora e team di expertonan di
Brandweer mester sinta na mesa delibera riba ideanan y necesidadnan cu un truck asina tin mester. For di aki
ta traha un programa van eisen cu ta bira e base di guia pa por haci bid pa evalua cua fabrica lo haya e trabao di
fabrica e truck segun e specificacionnan den e programma van eisen. Den e caso aki e compania Mericano
Rosen bauer a gana e bid y a cuminsa traha riba e truck cu e specificacionnan rekeri den e “ Programa van
eisen “. E delegacion cu a caba di subi avion rumbo Merca ta bay controla e fase di e proceso di fabricashon di
e truck cu ta e Pre-build. Asina cu caba di inspecciona y aproba e documentonan di e vehiculo, e proceso lo
drenta e proximo fase cu ta esun fabricashon di e vehiculo mes, e fabrica lo por finalisa e fabricashon di e
Truck segun e specificacionnan exigi den e programa van eisen y Brandweer Aruba lo haya su truck nobo pa
asina por brinda e servicio necesario na comunidad. E delegacion di Brandweer ta consisti di Officier Tromp,
Bevelvoerder Maduro y Manschap Nobrega.
http://www.loopabc.com/content/brandweer-aruba-lo-ricibi-un-crash-truck-nobo-un-truck-
special-pa-airport