Page 27 - MIN ECEM 21 JAN 2017

Hyatt Place ta wordo considera na nivel mundial uno cu tin
mayor prestigio y eficiencia

Friday, 20 January 2017 21:15
Comparti

Luis Enrique Cano durante e inicio oficial pa Hyatt Place pariba di Airport, a splica e motibo pakico un
hotel asina cerca di e aeropuerto.

Aruba tin su parti principal cu ta turismo y tin cu cuminsa explota otro tipo di soño. Otro tipo di negoshi.
Esaki ta un centro di negoshi cu ta duna servicio na aeropuerto, cu den futuro, manera tur hende sa, tin
un ampliacion cu lo ta den un aña y esaki lo bay duna servicio complementario na e aeropuerto, na e
lineanan aereo, na e pilotonan, na e stewardesnan, tur persona, incluyendo na esnan cu kier bin Aruba
bin nan eventonan social, casamento of cualkier evento social cu nan kier haci'e, nan por hacie den e
hotel, cual nan lo bay tin sala pa esey.

Cuanto empleado
Segun Cano, lo bay tin un tiki mas cu 150 empleado directo y 300 pa 320 empleado indirecto, cual nan ta
kere y ta aspira pa nan ta di e isla.
Lo bay tin mas of menos 126 camber den e hotel aki.

Cooperacion

Cano a bisa cu e cooperacion ta excelente. 10 aña pasa nan a duna nan un apoyo pa tur cos. A pasa 10 aña
y nan tin ya un aña akinan ta purbando pa consolida e proyecto aki, cual e ta kere cu ta gradici
aeropuerto, cu kendenan nan tin reunion mensual pa yega na tur e acuerdonan y satisfacer e necesidad
di uno y di otro y compenetra y duna servicio na nan for di aeropuerto y vice versa. Pa loke ta permiso,
Gobierno a duna tur cooperacion, for di director pa e empleadonan di tur nivel. Ora cu uno ta presta y
inverti den un proyecto asina, ta inverti ya sea for di hopi abao, qua personal di tur departamento pa
asina e proyecto aki wordo aproba, pa yega na nivelnan halto. Tur tin cu drenta pa duna su aprobacion
pa esaki wordo realisa.
Facilidad

Riba un nivel mas halto, na prome luga, pasobra un di e exigencianan di Gobierno ta cu nan kier
hotelnan di nivel. Nan no tabata kier hotelnan di dos strea. Pero un hotel di nivel pa presta servicio na e
aeropuerto y tabata di un nivel di negoshi halto y Hyatt Place, ta wordo considera cu na nivel mundial, ta
un di e nivelnan cu tin mayor prestigio y eficiencia, segun sr. Cano.

http://www.24ora.com/index.php?option=com_content&view=article&id=117864:hyatt-place-ta-
wordo-considera-na-nivel-mundial-uno-cu-tin-mayor-prestigio-y-eficiencia&catid=1:local&Itemid=5