Page 18 - MIN JUS 28 JAN 2017

Departamento di Impuesto cu mannan yen di cliente cu ta
bin paga nan number di auto

Friday, 27 January 2017 18:58
Comparti

Manera cu ta custuma cun'e, esaki ta un temporada druk pa pago di number di auto. Aña
pa aña e ta keda bira mas druk, pasobra tin mas vehiculo di motor registra y e clientenan
ta bira mas hopi. Awor aki ta riba 70 mil vehiculo cu tin registra y por imagina cu tin mucho
hopi cliente pa e periodo cu tin awor aki, prome cu e deadline yega. Pesey tambe por
ripara cu Camacuri ta yen, MFA na Noord ta yen, Paradera, Savaneta, no tin caminda pa
pone hende, segun vocero di Departamento di Impuesto, Meverly Romano.

E ta un situacion cu no por haci nada cun'e. Loke ta haciendo awor aki, manera cu a sosode
ayera tambe, a cera e mashin di duna number mas tempran, pasobra dianan pasa, a
sosode cu 5'or ta bati y ainda e sala ta yen yen. Dado momento e waiting time ta pasa 3
ora. E por pasa hasta 4 ora. Pa e cliente e no ta agradabel. Pa e caheronan tampoco e ta
agradabel. Sin conta e siguridad cu tin cu tene cuenta cun'e. Na momento cu full e sala ta
yen, tin solamente un of dos security ta controla pa e ordo, si tur cos ta cana bon. Dado
momento si tin demasiado hende den sala, e ta haci cu ta perde bista riba e siguridad.
Pesey tambe ta tumando e decision pa si e sala ta bira demasiado yen, tin cu cera e mashin
di duna number y mesun cos ta sosode tambe na e oficinanan di Gobierno na Noord y na
Paradera.

Tin tambe na Savaneta y San Nicolas, caminda tin cu cera mas tempran. Ta uzando un parti
di e edificio eynan, cual no tin e maneho di e edificio. E hulpbestuurskantoornan pariba, na
Savaneta y San Nicolas, nan ta cera e edificio 3'or y mey. Pesey tambe tin cu tene cuenta
cu dado momento no por keda atende publico sin limite, pasobra tin cu tene cuenta cu
gerencia di e edificionan ey ta bay cera e luga.

Esey ta e situacion awor aki cu tin hopi cliente, pero dado momento no por yuda tur den e
mesun dia cu nan ta acudi na Departamento di Impuesto.

Tin biaha slow, tin biaha druk

Tabata tin simannan slow. Manera anuncia, entrante December por cuminsa paga
numbernan di auto. Un grupo ta acudi pa paga e number, pero mas tanto e masa ta bon