Page 53 - MIN JUS 28 JAN 2017

Un sugerencia pa evita di para den fila ta paga
Departamento di Impuesto online of na banco

Friday, 27 January 2017 18:56
Comparti

E asunto di pagamento di number y cumpli cu debernan financiero na Departamento di Impuesto a
trece un congestion. Un congestion cu a causa disgusto cerca esnan cu ta keda oranan largo den fila
of paden ta warda nan beurt. Asina mes Departamento di Impuesto ta pone tur caha duna servicio.

Tin dia tin casonan cu tin un miembro di personal por ta ta malo. Ora cu personal ta completo, tin
dos cahero na Noord, dos na Paradera, un na Savaneta, dos na San Nicolas. Tin ora ta sosode cu ta
manda un San Nicolas of un Paradera, depende e cantidad cu tin e dia ey. Mas tanto na Camacuri ta
target pa tin tur seis caha habri pa asina por yuda mas tanto cliente posibel. Waitingtime Ta midi e
waitingtime. Tin un programa via mashin di number cu ta duna kico ta e tempo di espera mas largo.
Por ehempel pa e dia di ayera, tin hende den sala cu tabata wardando for di 10'or di mainta y ainda
prome cu 4'or di atardi ta wardando. Otro tipo di pago E cahanan aki ta duna servicio pa tur servicio
di departamento di impuesto, no solamente number di auto. Ta haya mey mey di esnan cu ta paga
number di auto, ta haya esnan cu ta bin paga otro tipo di belasting, of permisonan di Dimas.

Esey tambe ta parti di e clientenan cu ta acudi na Departamento di Impuesto, pa nan por haci nan
pago. Mensahe E mensahe cu Romano tin ta pa no keda sin paga e number. Den e dianan aki
berdaderamente nan ta sumamente druk. Dado momento ta pidi toch pa e publico tin comprension
cu si acaso nan yega y a indica cu e mashin di duna ticket ta cera, lamentablemente no por yuda e
clientenan ey, pasobra tin cu tene cuenta cu e tempo di espera. Tin cu tene cuenta tambe cu e
siguridad. Por recomenda e clientenan cu tin cu paga nan number ainda, pa nan kisas ta un opcion
pa acudi na nan banco, nan por haci e pago tambe eynan of online, via nan sistema di banco. Esey
tambe ta posibel. Unicamente cu ora cu ta paga online, tin cu tene cuenta cu tres florin cu ta bin
acerca. Si ta paga mita aña of 6 florin si e cliente ta paga full aña. Awor aki e recomendacion ta pa
asina cu tin e posibilidad pa haci e pago, aunke nan ta hopi druk, haci esaki. Den un paar di dia mas
e drukte aki poco poco lo keda baha, Romano a finalisa.