Page 9 - KPA 5 APRIL 2017

Sra. Rasmijn a duna di conoce cu e campamento ta cuminza diadomingo proximo, dia 9
di April pa 12’or di merdia. E ora ey por cuminza campa y no prome, e dama a remarca.
E ultimo dia di campamento lo ta 23 di April.

Aworaki no tin mas e situacion cu hendenan ta bay adelanta, pasobra autoridad
concerni ta zorg den cada distrito, pa sinta cu esnan cu ta bay campa y nan ta wak e
lugar di antemano.

Den caso cu tin dos hende cu a scoge pa mesun tereno, nan ta negoci’e di biaha na
mesa, na unda cu ora cu dia 9 di April yega, ya tur hende sa caba e zona cu ta di nan
pa nan por campa.

Aunke sra. Rasmijn no tin cifra e ta sinti cu e peticionnan a baha un poco, vooral den
area di San Nicolas. Aña pasa tabata tin 154 peticion, pero e aña aki, te cu siman pasa
tin 118 y ya e ultimo dia pa haci peticion tabata 24 di Maart, y no por haci esaki mas.

Kiermen e cantidad a baha drasticamente. Sra. Rasmijn a indica cu den otro distritonan
e no sa, pero na Playa por ehemplo, e ta varia entre 19 cu 21 ya cu semper ta e mesun
famianan ta bay campa na Linear Park. Tocante Noord e ta kere cu a baha un tiki
tambe e aña aki, aunke nan tin cu bay wak si ta asina.

Dia 23 cu e campamento ta caba, un mensahe ta pa e campistanan kita tur cos, trailer,
lanta tent, etc., pasobra e beach tin cu keda completamente limpi. E control lo sigui
wordo haci tur dia, pasobra tin hende cu ta hunga sabi y nan ta bisa polis cu nan ta bay

cu cinco tent y ora polis ta controla nan tin diez. Polis ta controla sea mainta, atardi of
anochi, sra. Rasmijn a subraya.

E parti di Playa ta polis di bario ta bay haci e control, cual tin un team special na Playa,

y pa loke ta San Nicolas tin e post di Colony cu ta esun cu ta bay haci control.

Cada un cu a pidi permiso pa campa ta responsable di kico pasa y ta cerca dje polis lo
acerca si tin un problema, pues percura pa e tin su permiso visible y no den auto, na

unda nan ta bay controla si tur obheto cu e tin riba e beach ta cuadra tambe.

Destruccion cometi na Medicosmetics