Page 2 - KUSTWACHT

AWEMainta Diahuebs, 26 Januari 2017 13

Guardacosta ta intercepta

transporte di 22 ilegal na Corsou

DIA 25 di januari, Guardacosta, conhuntamente
cu Cuerpo Policial di Corsou, a detene 22 ilegal riba
un boto cu kier a purba subi tera. Ademas, a haya
marihuana abordo.

Alrededor di 2’or di marduga, patruya di Jaguar a
detecta movecion sospechoso riba radar seis miya
pazuid di Corsou. E patruya cu un Super-RHIB a
sali pa investiga.
Mas o menos tres miya zuid di Annabaai, a topa cu
un boto cargando varios persona.

Nan a wordo hiba na punto di sosten Parera, caminda
a resulta cu e 22 persona abordo, 3 hende muhe y
19 hende homber, a purba drenta Corsou di forma
ilegal. Tur ta di nacionalidad Venezolano. A bin haya
un cantidad di marihuana abordo, tur cual a wordo
confisca.

E 22 ilegalnan a wordo pasa pa Cuerpo Policial di
Corsou, kendenan hunto cu esnan di Guardacosta
tin e caso bou investigacion.