Page 88 - FDLP
P. 88
Royal Power Tat Fat Home Depot ta sacudi
fundeshi di Redskins Pizza Hut derotando
nan 5-3 den Copa Noord
6 HORA PASA , 2 DI SEPTEMBER 2018 17:14
SECCION: DEPORTE
Copa Noord e aña aki organisa pa e muchanan di Tanki Leendert Giants a inicia siman pasa.
Den e segundo siman di Copa Noord Royal Power biniendo di un derota contra Calabas Blue
Jays di 10-7 mester a regroup pa pone e stempel cu e aña aki cos ta bay ta otro y mester tene
debido cuenta cu nan. Kudawecha Redskins Pizza Hut campeon di Copa Noord 2017 a sali
gana Tanki Leendert Giants siman pasa doñonan di e torneo e aña aki y a pensa cu cos lo bay
ta un pasa. Sinenbargo ora cu Kudawecha Redskins a topa e troncon nan duro di Royal Power
cu nan pitcher veterano Alvaro Barrios riba monticulo enfrentando e “ace” di Redskins esta
Arjen Mathilda cos a bolter. No obstante trayectoria di ambos equipo Royal Power tin alrededor
di 7 titulo den Copa Noord contra 2 di Redskins. Royal Power cu un equipo bastante
rehobenese a mustra talento y profundidad den e wega. Redkins ta pica ariba 1-0 den promer
inning. Desde aki Alvaro ta hala faha mara y den bom di 4 inning Royal Power ta rally pa bolter
e score 2-1. Royal Power ta rally un biaha mas den bom di 5 inning cu 3 careda pa amplia e
