Page 32 - AVP

ORANJESTAD (AAN)—Minister Otmar Oduber, encarga cu e carteranan di Infrastructura,
Maneho di Medio Ambiente y Desaroyo Teritorial, ya pa finaliza e conferencia di prensa
tocante e resultado di e encuesta realiza pa Banco Central, tocante e tema di
“corupcion”, a menciona cu gobierno di Aruba a gana 27 caso den Corte, relaciona cu

otorgacion di tereno.

E mandatario a enfatiza cu e casonan aki ta a base di decisionnan tuma pa e minister
anterior, cu tabata en pugna cu e ley y maneho, pa cual tin e percepcion cu ta bin

dilanti den e rapport di Banco Central.

Minister Otmar Oduber a lesa dos veredicto di Huez ken ta bisa cu e hecho cu e
minister anterior for di momento di e fecha di un carta cu ta drenta cerca dje, di biaha

e ta duna un “accordering” tabata un muestra cu e no ta scucha di ningun
departamento pero cu e tabata tuma decisionnan riba su mes.

E dignatario a expresa “cos cu no ta tuma lugar mas na e momentonan aki”, y a señala

cu loke e Huez a bisa ta un prueba cu mester a bay sinta na lesenaar di e ex-minister si
un persona kier a haya un tereno comercial (of pa vivienda), manera poco dia pasa un
meneer Rodriguez a duna di conoce publicamente, cu e mester a bin sinta na oficina di
“Benny” pa “Benny” yama DIP bisa nan cu tal tereno e ta bay dune na tal hende.

Minister Otmar Oduber a reitera cu enfasis, cu esey no ta pasa y lo no bay pasa bao e
gobierno actual. “Cerca e minister aki, cu mi ta bay ta sinta dos aña, aki dos luna, den
e posicion aki, ningun hende a haya esaki. Y si tin un hende cu bisa cu e mester a bin

cerca mi pa haya un tereno of paga of pa ‘whatever’ pa por fabor bin dilanti, pasobra
nos a stop esey completamente”, Minister Otmar Oduber a expresa.

El a remarca cu e no ta firma ningun documento ni acuerdo pa ningun hende ora un

carta drenta. Tur peticion, sin ningun excepcion ta bay via DIP y contrario na loke e
Huez mustra, cu e gobierno aki e departamentonan ta cumpli cu ley y a base di e
maneho cu tin e decision ta wordo tuma finalmente.

Den e di dos sentencia cu e mandatario a trece dilanti, Huez a bisa cu clientelismo,
politica di amistad y patronahe tabata e base di e decisionnan cu e minister anterior a
tuma. E mandatario a subraya finalmente, cu esaki tabata e maneho cu e minister
anterior a pone su dilanti, cu awe a conduci na un pensamento cu tin den nos