Page 67 - AVP

Durante e 12 lunanan prome cu October-November 2018:

ORANJESTAD (AAN) – Siguiendo cu e Encuesta di Banco Central tocante e
sentimentonan di pueblo encuanto corupcion na Aruba, Minister Otmar Oduber a

subraya cu e rapport aki ta mustra hopi duidelijk e percepcion cu tin den comunidad y
gobierno a tuma nota di dje y a atende cune.

Minister Oduber a indica cu e bon y bunita di e rapport aki, ta mustra durante e prome

12 lunanan prome cu e survey aki a wordo haci, riba e pregunta “con e sentimento ta
pa loke ta trata soborno” (pues e pensamento di soborno pa un hende por haya
permiso), e constestanan ta indica cu e ta sumamente abao. Apenas un 3% y ora e
wordo compara cu henter e region, ta mustra cu Aruba ta te abao den e lista.

“Pa mi esey ta sumamente importante, pasobra esey ta nifica cu hendenan ta percibi cu
soborno no ta tuma lugar mas, durante e ultimo 12 lunanan prome cu October-
November di aña pasa” Minister Otmar Oduber a subraya.

No obstante, el a señala cu locual ta preocupante, ta e percepcion cu tin den
comunidad, y pesey Gabinete Wever-Croes y sigur su persona cu ta carga e
responsabilidad pa loke ta concerni otorgamento di tereno, no solamente a bin cu

diferente cambio y por mira cu e proceso a cambia totalmente, sino cu tambe ta sigui
haci cambio.

Un di nan, cu lo wordo publica e proximo dialuna un biaha mas, ta cu gobierno mester

duna un toestemming previo, na unda erfpacht sea di vivienda of comercio, ta wordo
hipoteca pa instancianan cu no ta oficial financiero di nos pais.

Minister Oduber a subraya cu aki tabata caminda unda a haci wega na cantidad, unda

terenonan di gobierno a wordo duna na erfpacht y na cierto momento tabata wordo
hinca den un NV ora e persona a haya un opcion of un overeenkomsten, ora e ta haya e
Acta, y e tereno cu no tabata den funcion a wordo bendi.

E mandatario a presenta documento den e conferencia di prensa di terenonan pa cual a
wordo paga 2 miyon dollar, na Sasaki, cu a pasa ainda, na Mei di e aña aki.