Page 10 - MIN VOS
P. 10
Durante trabao di parto Mama y baby a
fayece
ORANJESTAD (AAN): Precisamente riba diadomingo di Pasco Grandi, Shakira Arrindell
di 40 aña di edad, Manager na Starbucks, a duna luz na su unico yiu muhe. E mes tin
dos yiu homber caba. E y su casa tabata asina feliz pasobra porfin ta haya e yiu muhe
tan desea, anto precisamente riba cumpleaños di e wela, pues mama di Shakira. E dia a
habri bon, pero a resulta den un dia yena di tristeza y dolor pa famia Arrindell.
Den oranan di mainta, durante parto a presenta complicacion, cu a resulta cu e baby
sea a nace morto of a fayece durante e parto. E informacion ey no a logra confirma. E
mama a recupera despues di algun ora y a pone den Medium Care na Hospital y a dune
e noticia tristo cu e yiu a fayece. Parce cu tabata masha dificil pa e mama, cu a carga
su unico yiu muhe pa 9 luna largo, pa e por a biba cu e realidad amargo ey y tambe a
bira malo y den oranan di anochi a fayece na Hospital mes.
A cuminsa mesora cu un investigacion pa determina morto di e baby y tambe morto di
e mama despues di parto. Tin diferente version, pero Hospital a bisa famia cu diamars
nan lo haci un autopsia pa determina exactamente di kico tanto yiu como mama a
fayece.Pa famia Arrindell esaki ta un berdadero sla masha duro mes. Shakita ta masha
stima den famia, e ta e unico yiu di su mama, tabata reina di Carnaval na Hulanda. E ta
bay laga atras su casa y su 2 prinsnan.Palabranan di hopi forsa na henter famia pa e
perdida repentino aki. Cu Shakira y su princess por sosega na paz.
