Page 116 - MIN VOS

Dia 23 di April lo ta Ride, Walk & Run for the Roses organisa
pa Wilhelminakanker Fonds

Tuesday, 18 April 2017 19:52
Comparti

Dave Martinus di directiva di Koningin Wilhelmina Fonds, a anuncia e Ride, Walk & Run for the Roses,
cual lo tuma luga dia 23 di April, durante un conferencia teni na Radio Shack.
E walk/run aki lo tuma luga saliendo for di Alhambra Casino y ta pesey tambe kier a gradici tur
patrocinadornan cu ta Alhambra Casino, Radio Shack, Tri-Bike, Wielerbond cu ta sostene Kankerfonds e
aña aki cu e ride, walk & run for the Roses.

Martinus kier a pone enfasis tambe cu e meta di e actividad aki tambe ta pa sigui crea fondo pa e
organisacion di Koningin Wilhelmina Fonds, y asina sigui brinda e servicionan na comunidad di Aruba.
KWF logicamente ta distribui diferente material di concientisacion tocante diferente tipo di cancer y
tambe ta organisa diferente charla cu ta brinda pueblo informacion directamente na e pashentnan cu
cancer, su famia y amistadnan.

E papel di KWF ta specialmente pa entre otro asisti cu thuiszorg di cada pashent y ofrece prothesenan
necesario despues di un operacion di pecho. Tambe KWF ta contribui cu gastonan di biahe pa e di dos
compañante ora cu un pashent mester biaha bay afo.
Cu Ride, Walk/Run for the Roses lo bay tin e oportunidad cu tur participante por haci un dedicacion
special na un persona sea cu a fayece of cu ta sufri di e malesa di cancer. Esaki por hacie atrabes di cada
Tshirt, lo bay tin un luga cu por pone e nomber y cu ta bay dedica na dje.

Por haci’e den e gremio di famia, amigo, amistadnan. P'esey kier enfatisa cu ta hopi importante cu por
invita muchanan pa participa cu esakinan. Kier duna di conoce cu muchanan te cu 12 aña ta
completamente gratis y nan por participa, bin cana, bin cu nan bicicleta. Ta importante pa haci’e den e
gremio familiar, entre amigo y amistadnan pa bin y participa y duna contribucion na e di 7 ride, walk &
run for the Roses.
E actividad aki lo sali for di e parkinglot di Alhambra Casino y pa e caminata esaki lo bay te cu Divi
Phoenix y lo bin bek. Tambe e parti di coremento lo ta riba e mesun ruta, solamente e ta un tiki mas largo
cu e canamento.

E actividad lo sali for di 6’or di mainta, asina tambe e ta un orario mas fresco caminda cu tur hende por
participa na dje y por caba na un ora mas agradabel tambe.

Pa e parti di registracion, ta invita tur hende pa subi riba e pagina di Facebook di Koningin
Wilhelminafonds y aki por mira e parti di registracion. Tin un icon cu ta bisa Get Tickets, caminda cu ta
registra y ta bay directamente pa e registracion.
Tin e posibilidad pa busca bo Tshirt y registra na Botica Santa Anna na Noord. Tambe tin e posibilidad
pa busk’e na Radio Shack, na Tri-bike, tanto na Playa como na Santa Cruz. Tambe na Botica Aloe na Pos