Page 109 - MIN JUS

Otro Victima pa mesun atracadornan: Homber di 66 aña
asalta y malamente herida den cabez na San Nicolas

Tuesday, 24 January 2017 00:06
Comparti

Dialuna anochi a surgi un atraco na San Nicolas. Ta un area
cu ultimamente ta masha den noticia pasobra ta varios atraco a tuma lugar y varios
victima a cay caba na man di e atracadornan. Den tur caso a agredi e victimanan te
mandanan hospital. Pasa di 9or e atraco aki a tuma lugar y a bay cu placa di e
victima. Den St. Pieterhill Weg e caso aki a sosode. Un homber di 6 aña di edad a
wordo ataka di patras y djey argredi masha fuerte cu un obheto duro.

Esaki a habri su cabez te hasta cu diez centimeter. E tabata sangra hopi. Polisnan cu
a haya e prome melding tabata papia di tiramento. A bisa cu a tira un hende. Na
yegada a haya e victima cu golpi habri den cabez pero no tira. A cuminsa
investigacion y ta bin saca afo cu e dos atracadornan na dado momento a core bay
ora cu un auto cu su luz a strobanan di completa nan trabou. Te hasta a los dos tiro
durante e huida segun testigonan. E victima a wordo atendi pa Paramediconan cu a
hibe mesora tambe pa Centro Medico pa e herida wordo cosi. Polisnan a sera e area
y asina a cuminsa un investigacion cu Cuerpo Tecnico y Recherche. Ta sospecha cu
ta mesun atracadornan cu pa algun siman ta druk cu nan atraconan violento cu a
laga varios victima cu heridanan serio. Un ora pa otro e atracadornan aki lo cay den
man di autoridad.