Page 31 - MIN JUS

6 AWEMainta Diamars, 24 Januari 2017

Parlamentario Clarisca Velasquez (AVP): “E Gobierno aki for di aña 2009 cu el a asumi su

E bienestar comun di nos hendenan responsabilidad como Gobierno a pone su meta
principal pa percura pa e bienestar comun di nos
ta prioridad di nos Gobierno hendenan. E Gobierno aki a encontra un pais na aña
2009 den deterioro y sin expectativa pa futuro. Un
poder di compra cu tabatin nos hendenan strangula”,
segun Parlamentario Velasquez.

“P’esey e Gobierno aki a cuminsa na inverti den
nos hendenan pa yudanan cu e poder di compra. A
cuminsa pa inverti den nos grandinan cu aumento
di pensioen, a hisa onderstand cu 25%, a duna nos
muchanan bou 18 aña cu ta bay scol y cu ta bin
di famia cu ta haya onderstand 200 florin pa cada
mucha, a bin cu reparatie toeslag pa hendenan cu
tin salario bou 2.500 florin, a duna nos ambtenaar
indexering bek. Asina a duna nos hendenan un alivio
bek”, e Parlamentario ta splica.

“Fin di luna aki atrobe nos Gobierno ta aumenta pen-
sioen di nos grandinan cu 2.3%, ta aumenta salario
minimo cu 2%, ta baha tarifa di coriente cu 15%, ta
bay aumenta bijstand tambe.
Asina cu nos Gobierno tin espacio den presupuesto
e ta corda riba nos hendenan.
No manera e Gobierno anterior cu solamente a corda
riba con pa enrikece nan mes y nan famia riba custia
di pueblo. Cada bes nos tin cu recorda nos pueblo di
e sinberguenseria cu e partido MEP a haci tempo nan
tabata den Gobierno y awor nan kier priminti shelo
y tera”, Parlamentario Clarisca ta comenta.

“Ojo pueblo, esaki nan ta e wolfnan bisti den lana
carne. Nos Gobierno di Mike Eman a demostra
cu nan tin nos pueblo na pecho y cu nan ta traha
pa pueblo y esaki nan ta haciendo for di aña 2009
compartiendo e prosperidad cu nos pueblo”, Parla-
mentario Velasquez a conclui.