Page 15 - MIN JUS
P. 15
E hòmber ademas no por
pilotiá un avion pa un aña largu.
CANADA – Un pilot di avion komersial ku tabata asina fuma ku el a bai for di dje
den kabina di un avion promé ku e avion a lanta, a keda sentensiá na ocho luna di
prizòn na Canada.Luna pasá, Miroslav Gronych, di 37 aña di edat, a deklará su
mes kulpabel di tabatin un nivel di alkohòl den su sanger ku ta tripliká e kantidat
legal na momentu ku un avion ta bou di su responsabilidat.
E pilot a keda saká for di e avion di Sunwing Airlines, na Calgary, dia 31 di
desèmber último, promé ku e buelo rumbo pa Cancún, México, a lanta.Segun a
keda indiká, na momentu ku Gronych a yega na e avion, e no tabata por a bisti
su bachi, e tabata papia ku difikultat i tabata tambaliá. Ademas a indiká ku e
kopiloto a sugirí Gronych pa bandoná e avion, pero despues esaki a regresá na
e kabina, sinta i tabata parse di a bai for di dje ku su kabes pegá na e
bentana.E wes ademas a prohibí e hòmber di pilotiá un avion durante un
despues di su liberashon. Den korte a indiká ku e hòmber, kasá i ku dos yu
chikí, a pèrdè su trabou pa e motibu ariba menshoná.
