Page 5 - ARUBA BANK

Parlamentario mr. drs. Richard Arends No tin

claridad ainda riba entradanan adicional di e

reforma fiscal

March 7, 2019

Otro punto cu CAFT a señala den su carta di 25 di februari 2019 ta relaciona cu e reforma fiscal. Parlamentario

pa fraccion di AVP mr. drs Richard a indica cu ta wordo papia masha hopi mes riba dje, unda cu diferente
version y probablidad ta wordo discuti, dunando desafortunadamente mas espacio pa speculacion y
incertidumbre den sector priva y comercial. Segun e Parlamentario, e prome fase di e supuesto reforma fiscal
no ta nada mas cu un aumento di impuesto. E prome fase a wordo introduci dia prome di januari caminda

mester a inclui BBO den e prijsnan cu un periodo di transicion di 6 luna creando mas confusion, a mantene
tambe e crisisheffing, grondbelasting y accijnzen a subi. “Mientras cu Gobierno a bisa cu tur hende ta bay
dilanti den nan entrada, comunidad mester carga un peso 270 miyon florin.

Na momento cu como Gobierno bo tin un reforma fiscal planea, bo mester sa por lo menos kico ta e
entradanan cu ta spera. “Ora cu a hasi pregunta riba e entradanan cu Gobierno ta premira pa e reforma fiscal,
gobierno no por a contesta esakinan. Nos sistema fiscal actual cu ta contribui na un poco menos cu un biyon di
florin. Gobierno no por a indica si e reforma fiscal lo contribui mas of menos na e entradanan actual. Mescos

cu Gobierno no a contesta Parlamento, tampoco a contesta CAFT. Den su carta mas reciente CAFT ta haci e
mesun preguntanan relaciona cu e implicacion nan di e reforma fiscal. Como cu CAFT ta carece di un bista