Page 59 - AHATA

“Ta tristo pa tuma nota cu pueblo tin cu sufri atrobe pa motibo cu gobernantenan ta bin

cu ideanan supuestamente briyante den corto tempo y ta e departamentonan tin cu

ehecuta e ideanan den bon of malo”, asina Jennifer Arends-Reyes, miembro di

Parlamento pa Partido AVP a duna di conoce durante un conferencia di prensa emiti dor

di e partido politico di mas grandi na Aruba.

“Pueblo ta paga su impuestonan pa asina DIMP ta existi y tur e trahadonan. Ta netamente

pueblo ta esunnan cu tin cu prepara nan mes mentalmente prome cu drenta e edificio di

impuesto. Prepara pa para oranan largo den rij pa cualkier servicio y mester paga tino cu

bo no ta den rij robes”, asina e Parlamentario a sigui bisa.

Mas despues, e miembro di Parlamento a añadi cu e ta haya cu no tin suficiente luga pa

atende tur hende, e trahadonan aunke no ta tur pero algun cu sin duda lo bo topa cu mal

beis, ta irita y ta maltrata clientenan cu palabra of simplemente ta mustra di ta hopi cansa

y no por maneha e presion di tanto hende.

E Parlamentario ta sinti cu no tin trato special pa mamanan na estado, cu yiu chikito,

hendenan cu un of otro limitacion y hasta grandinan cu ta uza rolator of rolstoel ta ser

pusha un banda pa motibo cu nan ta cansa di para den rij. Si nan kier ta inclusivo y tin

un fast lane di un ora di espera pa 60 plus, mester corda cu nos pueblo ta consisti di mas

personanan cu merece un miho trato.

“Ta importante cu na cuminsamento di aña cu tin tanto keho riba rednan social, den

pueblo y tur caminda cu bay tanto di prijsnan di producto y servicio cu a aumenta

drasticamente, Departamento di Asuntonan Economico a tira tur cos den scochi di

consumido.