Page 5 - DIG JAN 12

AWEMainta Diahuebs, 12 Januari 2017 13

Construyendo Progreso

Aumento di subsidio ta

permiti Sonrisa enfoca

mas riba e trabou central y

menos riba fundraising

“MI ta hopi contento y hopi agradicido na Minister drs. Paul Croes,” asina
Angelique Perez-Kelly a expresa.
Como coordinador na fundacion Sonrisa, Perez-Kelly ta testigo di e atencion
y dedicacion cu Minister di Asunto Social tin p’e personanan cu limitacion
riba nos isla y tur esnan cu ta traha den e sector di nan cuido.

“Awor nos por dedica n’e cliente y no na fundraising pa sigui draai,”
e coordinador a comenta cu alivio y alegria. Danki n’e contacto
estrecho cu Minister Paul Croes ta mantene cu Sonrisa, entre
otro diferente fundacion riba nos isla, por a tuma nota
di e necesidadnan existente y busca e solucion y
recursonan necesario. Personal tabata na prome
lugar y esey ta bay bira un realidad pa Sonrisa den
2017 dor di un aumento den nan presupuesto di
nada menos cu 120 mil florin.
Fundacion Sonrisa ta sinti cu awor nan por enfoca
riba e trabou central cu ta brinda cuido y sosten na
personanan cu limitacion y tambe nan mayornan.
Adicionalmente, Sonrisa tin den nan plan pa 2017
pa continua cu ehecucion di proyectonan sumamente
importante manera Trampolin pa Trabou.
Den esaki ta guia e personanan cu limitacion den
sector laboral.
“Un tremendo iniciativa cu bon reaccion di compa-
nianan cu kier tuma un dos cliente y e clientenan
ta super contento di por bisa cu nan tin un trabou,”
asina Perez-Kelly a comenta. Trampolin pa Trabou
hunto cu JobCoach ta djis un di e iniciativanan cu
ta Minister Paul Croes ta kere aden 100% y ta bay
sigui sostene.