Page 35 - HOH

Na Aruba 95% Di Muchanan Ta Wordo Vacuna

 Local

- 27/08/2019

Durante e conferencia di prensa Departamento di Salubridad Publico, a informa di e
proximo campaña di vacunacion cu ta bay cuminsa. Loke ta hala atencion ta cu gran
mayoria di muchanan na Aruba ta wordo vacuna.

Dentro di poco Departamento di Cuido Salud Hubenil (Jeugdgezondheid Zorg) ta bay
cuminsa cu su campaña di vacunacion escolar.

E campaña aki ta uno cu ta cuminsa tur aña di nobo, na comienso di aña escolar. E no ta
nada nobo, segun Jurette Croes di Departamento di Relacionnan Publico.

JGZ su database ta hopi amplio di tur e muchanan na Aruba. Tur mucha cu a haya
vacuna, nan tin nan registracion y tur mucha cu no a haya vacuna na Aruba, nan ta pidi
nan pa nan trece nan certificado di vacunacion di exterior, p’asina ey por sa precies si e
mucha ta bon vacuna.

E grupo di mas grandi cu ta bay vacuna t’e muchanan di 5de klas, cu ta haya nan vacuna
di 10 aña, cu ta trata di e vacuna DTP y e mucha muhernan den 6de klas cu ta haya nan
vacuna di HPV.