Page 18 - FDLP
P. 18
Landamento artistico ta inclui elementonan di baile, acrobacia y landamento cu ta
enfoca riba forsa pero tambe flexibilidad, cual ta exigi un training specifico.
Mientras e arte y expresion durante di e rutina nan (shownan) ta siguramente hasi e
deporte aki uno di esnan mas bunita na mundo.
E meta principal di e club ta pa brinda atletanan oportunidadnan pa desaroya y
prepara nan mes pa competencianan internacional.
E atletanan ta sobresali internacionalmente y nan ta orguyoso di tur e logronan di e
ultimo 45 añanan.
Recientemente a habri e deporte pa mucha homber tambe participa mirando
e desaroyonan den e deporte internacionalmente.
Cu e camp aki “Escape to an Underwater World” for di 15 – 20 juli 2019 nan kier
sigui promove e deporte na comunidad, cu lo inclui actividadnan paden y pafor di awa
entre otro training di figuranan, flexibilidad, zumba y mucho mas. Tur les lo tuma lugar
na pool olimpico na Savaneta.
Ta invita muchanan di tur edad cu tin por lo menos diploma A pa participa na e camp
aki y sera conoci cu e bunita deporte di landamento artistico.
Pa mas informacion por yama 7458347.
https://www.diario.aw/2019/07/barracudas-synchro-aruba-summer-camp/
