Page 27 - FDLP

ATA Ta Wak Atrás Riba Di 33 Aruba Internacional

Triathlon

 Deporte
- 04/07/2019

Aruba Triathlon Association (ATA) a organisa dia 30 di juni ultimo e di 33 Aruba
Internacional Triathlon. A participa total 142 atleta di Aruba, Colombia, Merca, Curaçao,
Spaña y Belgica a competi cu otro den landamento, ciclismo y coremento.

Esnan cu a competi den e distancia Olimpico mester a landa 1.5 km, después core 40 km
riba bais, sigui dor di core 10 km na pia.

E distancia sprint tabata net mitar di e distancia Olimpico. E landadornan tabata guia y
controla dor di boluntario riba waverunner y boto di Polis.

E evento aki a tuma lugar na Nikki Beach. E ruta di ciclismo tabata buelta entre
Pricesmart y Cas di Gobernador. Pa loke t’e careda na pia, esaki a tuma lugar riba e
trayecto di Linear Park. Full e circuito di ciclismo tabata sera y controla pa Polis, Motor
Unit y boluntario.

E ganadornan di e distancia Olimpico masculino
David Guete Quintero di Colombia den 2:02:24; Giannon Eights di Aruba den 2:08:06;
Romar Arendsz di Aruba den 2:10:33; Mark Kleiweg di Aruba den 2:17:52; Jose
Roberto Reyes di Aruba den 2:19:19.