Page 11 - WEB

awa eta produci. Den caso cubo tin hemchinan manera di verf bo por colecta e
awa aki sin ningun problema.

Awendia den e tempo moderno aki tin algun companianan di construccion por
dunabo e idea y conseho pa por hasi coneccciona di tubo riba tur e airconan cu

por tin na cas y manda tur e awa den un tanki septico pa colecta. Imaginabo
den un luna di tempo cuanto awa lo bo por tin colecta. E awa aki ta limpi y

fresco y por wordo uza tambe riba bo matanan cubo tin planta sin problema.

Tuma nota cu e awa di washmachine tambe por wordo colecta. Solamente
awendia mester pone bon atencion riba e tipo di habon ta wordo uza pa laba
paña. Ora di bishita un supermarket pa cumpra e habon tuma bo tempo un rato

y controla si e habon ta “Biodegradable”. Esey ta nifica cu na momento cu bo
pone e habon den e awa pa laba e paña ta na e momento ey so e habon tin

efectividad den e awa. Na momento cu e awa bay afo of riba e matanan e no tin
ningun efecto riba e mata y tampoco riba e tera. Por muha bo matanan sin

ningun efecto of daño algun. Mester corda tambe cu e awa di habon aki ta haci
e tera duro rond di e mata. Lo ta bon pa cada tanto tempo por pasa un “Chapi

of un Halado of algo cu por los e tera bek pa e raiznan di e mata por hala rosea.

Esaki ta algun punto importante cu kisas lo ta bon pa tene na cuenta na

momento cu nos drenta e temporada di awasero. Colecta poco awa e uz’e
consciente riba bo matanan uzando un sistema di irigacion cu ta yudabo tambe

spaar e awa. Colecta, Spaar y uze conciente pa baha gasto di bo uzo di awa
diariamente.

Un conseho di Departamento di Agricultura, Cria y Pesca Santa Rosa riba Dia

Mundial di Awa.