Page 83 - ATA

A indica cu ta bay surpasa e 800 mil pasaheronan crusero atrobe e aña aki. E demanda
pa Aruba ta bon y esey ta algo cu ta trahando duro pa preserva pa motibo cu tin e
barconan pero mester mantene nan tambe.

Mester mantene e network, e relacion cu nan y pesey ta atende cu conferencianan
internacional unda cu ta haci e ‘one-on-one” cu nan y scucha di nan, a remarca.

Figaroa a reitera cu e ‘outlook’ ta hopi positivo y mester compronde cu pa loke ta e

parti crusero mester traha hopi adelanta. Aworaki e reservanan pa 2021, 2022 ta
cuminza drenta caba. Ta un planning di dos pa tres aña adelanta.

Den opinion di e director di APA NV, mester tuma un posicion di bentaha. Tin

sancionnan contra Cuba y e cruseronan mericano no por bay Cuba mas. Ariba e parti ey
APA ta traha pa atrae un par di crusero adicional.

Pa cu esaki mester wak kico ta e capacidad maximo na waf pero e infrastructura tambe.

A agrega cu geograficamente Aruba ta un poco leu y no ta mucho den un posicion
faborabel pa e crusero bin den un ‘3-5 days trip’ saliendo for di Miami y pa esey mester
ta den un itinerario di mas cu 7 dia.

Mirando cu Aruba ta un tiki mas leu, den zuid, for di e portnan cu ta San Juan y Miami,
tog tin un demanda pa Aruba. Esey ta e parti positivo y Aruba ta bende te ainda, a
splica.

El a sigui bisa cu e islanan ABC ta trahando hunto ainda y e ta kere cu na April, a bay
Seatrade na Miami y a bay como ABC Islands. Tabata tin un booth pa e 3 islanan y
tabata un exito.

Ta bay ta participando den un ‘Seatrade’ pronto na Europa unda lo sinta cu
representantenan di e cruseronan Europeo. Ta un bon momento pa combersa cu nan y
wak con ta bayendo, Marc Figaroa a indica.

https://www.diario.aw/2019/09/ta-bay-surpasa-e-800-mil-pasaheronan-crusero-atrobe-e-ana-aki/