Page 38 - HOH UPDATED

ORANJESTAD (AAN)—: Departamento di Salud Publico recientemente a ricibi bishita
di un delegacion basta grandi consistiendo di Dr. Wheeler, cu ta representante di

PAHO/WHO, Dr. Malcolm cu ta consehero di PAHO riba tereno di Non Communicable
Diseases, Mr. Jean Claude Paraison y Ms. Nicola Taylor kende ta Program Management
Specialist di Aruba, Curacao, Sint Maarten, Bonaire, Sint Eustatius y Saba.

Den colaboracion y bou guia di e delegacion a ehecuta un ehercicio cu ta ser yama un

“Hanlon prioritizacion” hunto cu hefenan di diferente servicionan y esnan encarga cu
maneho di salubridad publico.

E ehercicio di Hanlon ta un metodologia scientificamente proba y uza door paisnan
miembro di PAHO pa por identifica puntonan di prioridad riba tereno di salubridad. E
puntonan di prioridad cu a sali di e ehercicio lo wordo incorpora den e plan strategico di
“PAHO 2020-2025”.

Tambe e lista di prioridad aki lo forma e base pa fiha maneho riba termino korto pa
desaroya e “Biennial Work Plan 2020-2021” entre PAHO y Departamento di Salud
Publico di Aruba.

Mirando e posibel peligernan pa cu salubridad den nos region. PAHO su experiencia y
conocimento di e necesidadnan regional ta importante. E contacto directo entre PAHO
cu expertonan di Departamento di Salud Publico ta esencial pa asina hunto sigui
mehora e sistema di salud na Aruba y ta crea sinergia entre instancianan di Salud den

region.

https://www.diario.aw/2019/02/delegacion-di-paho-who-trinidad-tobago-a-
tene-reunion-y-tayer-hunto-cu-departamento-di-salud-publico/