Page 10 - KPA

Accidente pa falta di preferencia na e

cruzada Koningstraat/Emmastraat

20 HORA PASA , 27 DI FEBRUARI 2017 11:28
SECCION: INCIDENTE

Dialuna merdia a drenta informe di un accidente cu hende herida na e cruzada
Koningstraat/Emmastraat, mesora a dirigi tanto polis como ambulans na e sitio. Na yegada di e
patruya a bin compronde cu e auto Nissan blanco cu tabata bini di pariba den Koningstraat

bayendo pabao no a para pa duna preferencia na e Hyundai Accent blauw cu tabata bayendo
zuid den Emmastraat y a bay dal den e Accent. Afortunadamente contrario na e informe inicial
aki no tabata tin hende herida y a cancela e ambulans pa e sitio.

Ladron a kibra drenta horta mas di 20 celular y 3 tablet for di Sam's den Havenstraat

SECCION: INCIDENTE

Megavit - Lejuez Brothers International

Dialuna mainta tempran a drenta informe di cu ladronnan a kibra drenta horta na Sam's na Havenstraat,
mesora a dirigi un patruya na e sitio. Na yegada di e patruya a bin compronde cu aki ta trata di un ladron
cu lo a destrui e parti unda ta pega e candal di e "rolluik" pa asina hisa e "rolluik" pa despues destrui e
glas diki di e showroom pa asina drenta y horta varios celular y tablet pa finalmente sali core bay.
Naturalmente e alarma a zona y security a presenta. En total mas di 20 celular a ser horta y tambe 3
tablet. Afortunadamente e negoshi tin e registracion di tur e aparatonan aki y lo informa Setar di e
registracion pa asina evita cu esakinan por ser usa. Riba e fotonan por mira e ladron den acción.

Polis y bombero a bay pa un candela

intencional pega na 2 palo di luz na Moko

1 DIA PASA , 27 DI FEBRUARI 2017 04:53
SECCION: INCIDENTE

Dialuna madruga a drenta informe di cu na Moko lo tin 2 candela hopi cerca di 2 palo di luz,
mesora a dirigi tanto polis como bombero na e sitio. Na yegada di e patruya nan a bin constata
cu tin 2 candela separa y ambos ta cerca di 2 palo di luz, pero ya un di nan a paga caba di su
mes mientras e otro si tabata expandiendo. Na yegada di bombero nan a paga e otro candela.