Page 114 - KPA

Dos auto bandona na Bushiri cendi na candela

Saturday, 25 February 2017 09:24
Comparti

Den oranan di anochi a drenta informacion cu tin dos auto na candela banda di Gayero na Bushiri. Polis di Playa y
tambe Bomberonan a sali mesora na e sitio. E momento ey tabata tin basta hende den cercania cu e Gayero.

Mientrastanto pafo un tiki mas pabou tabata tin e dos autonan na candela. Polis a yega y mira cu ta dos auto cu no ta
core mas y parcialmente desmantela cu tabata na candela. Mirando e cantidad di auto para con cu ta na e sitio a
pone cu bombero no por a drenta facil di un banda. Mester a reverse y pasa rond pa yega na e autonan cu tabata na
candela. A logra basha awa mesora y paga e candela. E yerbanan cu tabata bay mas pabou den mondi tambe tabata
na candela y bomberonan a logra paga tur cos y alivia e area pa e huma cu tabata bay riba e casnan di pueblo.

http://www.24ora.com/index.php?option=com_content&view=article&id=119097:dos-auto-bandona-
na-bushiri-cendi-na-candela&catid=6:policial&Itemid=8