Page 192 - KPA
P. 192
Polis ta sera Carnaval 63 cu un Parada di mas cu 41
Detencion diadomingo so
Monday, 27 February 2017 10:19
Comparti
E carnaval 63 no tabata facil. Kizas henter e temporada di Carnaval a bay hopi aceptable compara cu otro añanan of
e aña prome.
Asina mes e diadomingo di Parada Grandi e cos a bay for di man completo. Aki no ta hende cu ta participa den
carnaval pero hendenan cu ta bay mira carnaval. E transporte di CEA tabata hopi druk hibando cantidad di hende
warda di Shaba pa wordo presenta dilanti di Sub Fiscalnan cu tabata tey. Un tremendo trabou Polis a haci pa asina
kita for di caminda esnan cu ta stroba e parada of tabata nenga di sigui instruccion di Polis. For di trempan a
cuminsa cu e detencionnan. E prome tres detencionnan tabata prome cu 2or di atardi y asina el a sigui uno tras di
otro te cu anochi laat. Mayoria di detencion tabata sea den e ruta canto di caminda of net pafo di e ruta. Consumo
halto di alcohol, nenga orden of stroba trabou di Polis, bringamemnto, droga y diferente otro situacion a conduci na
detencion. Despues di parada tambe tabata tin basta detencion pa pelea riba caya of hende bayendo cas prome cu
subi auto. Hasta den Havenstraat tabata tin pelea formal caminda a hera caba na hincamentio serio cu dos cuchio
grandi. Mas cu 41 detencion ta loke a cay y e detencionnan aki ta full apart di e chauffeurnan burachi cu tambe a
keda deteni riba caya durante control.
http://www.24ora.com/index.php?option=com_content&view=article&id=119137:polis-ta-sera-
carnaval-63-cu-un-parada-di-mas-cu-41-detencion-diadomingo-so&catid=6:policial&Itemid=8
