Page 40 - KPA

Accidente bastante serio mey anochi banda di Great Rich na
Paradera

Monday, 27 February 2017 09:35
Comparti

Despues di e parada di Carnaval a sosode un accidente pasa di Mey Anochi. Dos auto a dal frontal unda den un di e
autonan dos hende a keda herida.

Un pareha a keda gravemente herida. E Toyota shinishi a pasa dilanti di Great Rich direccion pariba. E chauffeur a
bay lora na man robez riba e T-Weg pero no a duna preferencia na e trafico di direccion contrario. El a lora dilanti di
e trafico di direccion contrario cu tabata bin basta duro.. E impacto tabata fuerte y e Toyota a bay para mas pabou. E
Polisnan cu a yega a haya un homber benta abou tur na sanger. E dama na banda tabata mal pega y tabata mustra di
no tabata reacciona. Personal di ambulance y ekipo di rescate a yega mesora y asina libera e victima pega. Personal
di Rode Kruis tambe a bin duna un man na e personal di ambulance. Den dos diferente ambulance a bay cu e
victimanan herida pa Hospital. Specialistanan di trafico y tambe Cuerpo Tecnico a wordo avisa y asina nan a forma
parti di e investigacion. E Toyota a wordo tuma den beslag pa investigacion mientras cu e otro auto cora a ser kita for
di e sitio pa takelwagen riba costo di e doño mes.

http://www.24ora.com/index.php?option=com_content&view=article&id=119131:accidente-bastante-
serio-mey-anochi-banda-di-great-rich-na-paradera&catid=6:policial&Itemid=8