Page 78 - KPA

Bashamento di bala atrobe na parti pafo di Bar A Bar den
Madiki dialuna marduga

Monday, 27 February 2017 10:11
Comparti

Den careda di 3or di marduga Polisnan di Oranjestad y tambe Santa Cruz cu Noord a ser manda cu
urgencia den direccion di Korvetstraat.
Varios yamada a drenta cu tin tiramento. Despues a drenta informacion tambe cu tin tiramento na Bar A
Bar. Den Korvetstraat e Polisnan no a mira nada. Na Bar A Bar si tabata tin como ocho auto para eyfo. A
bay over mesora pa controla y mira si tin algo cu por duna indicacion di un tirameno. Polisnan a haya
diferente hulls di bala na e sitio. Segun testigonan den e bario, ta 7 tiro nan a tende. Corectamente tambe
Polis a topa cu 7 hulls benta cerca pafo rond di Bar A Bar. Segun informacion cu Polis a haya na e sitio,
dos homber cara tapa riba scooter a pasa los tiro y sigui bay direccion Bushiri. Di e ocho autonan para na
Bar A Bar, tres tabata tin perforacion di Bala. TX-416, A-52006 y A-36443 ta e autonan cu perforacion.
Loke a capta atencion ta cu Bar A Bar tabata habri ainda e momento ey pero e porta ta na lock. Tabata
scucha musica. Ningun hende a sali. Ni esnan cu nan auto a wordo perfora cu tiro a sali atende cu Polis.
Polisnan tabata basta rabia cu e actuacion di esnan paden. Polis tabata tin intencion serio di duna un
multa mesora pa e comportacion di e doñonan di e lugar cu e momento ainda pasa di 3or ainda tabata
habri. Un otro testigo tambe a bisa cu tabata tin un otro homber sinta abou cu capuchon riba cabez. Ta
kere cu e tin di haber cu e caso pero ora e tironan a cay, e homber a cana bay drenta Bar A Bar. Ta
sospecha cu e por ta arma. Recherche a presenta na e sitio y asina hunto cu Cuerpo Tecnico haci un
investigacion. Madiki y vecindario ta den noticia constant e ultimo simannan cu un of mas hende cu ta
cana arma y ta tirando dirigi.

http://www.24ora.com/index.php?option=com_content&view=article&id=119136:bashamento-di-bala-
atrobe-na-parti-pafo-di-bar-a-bar-den-madiki-dialuna-marduga&catid=6:policial&Itemid=8