Page 91 - KPA

Cabez di Clabo y Swiso deteni despues cu a menciona cu tin
tiramento den Goletstraat na Madiki

Monday, 27 February 2017 10:05
Comparti

Polis a wordo manda diadomingo merdia cu masha urgencia den direccion di Korvet cu Goletstraat na Madiki.
Informacion tabata cu tin pelea basta forma andando.

Ora cu Polis a yega na e sitio a topa cu e un situacion di basta problema. E hendenan presente tabata manera den un
gritamento. Nan a bisa of menciona Cabez di Clabo cu un tal Swiso su nomber di a bin busca problema. A base di
descripcion y informacion acumula a logra bay tras di dos auto. Banda di Cas di Parido AVP a bin para e prome
sospechoso. Cabez di Clabo a keda deteni den su Getz berde. E tabata hunto cu su pareha. Nan tabata bayendo
carnaval pero a perde nan parada pa motibo di e detencion. E mesun momento un otro patruya di Mobiele Eenheid a
para un otro auto pazuid di Misa di Playa. E auto aki tabata maneha pa un tal Swiso cu tambe su nomber ta wordo
menciona den casonan di tiramento den Madiki. A blokia e auto y asina pare pa despues mande tera. Den e auto su
yiu menor y e mama di e yiu a keda na pia. A hiba ambos sospechoso warda di recherche. A confisca ambos auto. A
listra eynan mes pa arma di candela pero no a haya nada. Na warda di recherche tabata tin e otronan cu tambe a bay
entrega keho contra Cabez di Clabo cu Swiso. E muher di Swiso a bisa Polis cu un tal fam Lacle kier a tira riba Swiso.
Segun e muher di Swiso, e otro guy a dirigi e arma pero e pareha di esun cu kier a tira a hala e direccion di e man.
Asina el a logra los seis tiro den halto. Na e sitio no a haya hulls. E otro partido cu a bay tambe warda di Recherche a
splica cu e storia cu a saca arma y los tiro etc ta mas bien un storia y mentira. Ningun rato tabata tin algo di
tiramento. Polis tin atencion pa e situacion serio di Madiki y uso di arma di candela.

http://www.24ora.com/index.php?option=com_content&view=article&id=119135:cabez-di-clabo-y-
swiso-deteni-despues-cu-a-menciona-cu-tin-tiramento-den-goletstraat-na-
madiki&catid=6:policial&Itemid=8