Page 16 - FDLP

Calvin Maduro di Aruba Rocks, kende ta organizador e evento a splica cu nan ta focus
pa promove nos isla cu eventonan extreme y nan a pensa riba e subimento di Hooiberg
pa asina establece un record. Esaki nan ta prome evento cu nan ta organizando y sigur
ya e ta hopi comenta den pueblo.

E evento ta consisti cu e participantenan tin di subi e cero di Hooiberg via e trapinan
den un tempo record y esaki lo bay tuma lugar Diasabra awor dia 1 di December for di
1’or pa 6’or di atardi. Participantenan mester ta personanan cu ya a yega di subi

Hooiberg caba y awor ta participando den un challenge caminda nan por gana e suma
di Afls. 2.500 pa esun cu subie mas lihe. Ya caba tin un total di mas di 70 participante y
tambe tin algun team relay di 5.

Como guest special lo tey tambe e fastest stair runner di mundo cu ta bini di Finland Sr.
Marten Bostrom pa e duna un show con rapido e ta subi Hooiberg. Segun Sr. Buston el
a train subi Hooiberg caba pero no ta facil ya cu e trapinan no ta tur ta mescos.

Na final cada participante lo ricibi un medaya y e campeon lo ricibi un medaya mas e
premio cash. Lo bay tin tambe barbecue y un bar bon surti.

https://www.diario.aw/2018/11/diasabra-awor-lo-tin-un-challenge-kende-ta-

subi-hooiberg-mas-liher/