Page 21 - BNDIA ARUBA

a21
bista politico Diamars 18 september 2018
Alan Howell (POR):
‘Contento cu peticion durante reunion publico ta haya oido’

ORANJESTAD - Durante e ultimo reunion publico
caminda cu Parlamento a yama gobierno pa bin duna
cuenta di su maneho durante e prome 6 luna di gober-
nacion, parlamentario Alan Howell (POR) a haci min-
ister Otmar Oduber varios pregunta.

Un di nan tabata kico ta e motibo cardinal cu e proyecto con-
oci como ‘Milieustraat’ di Serlimar no a sigui y ki dia lo cum-
insa bek cu esaki, ya cu ta trata di un proyecto na bienestar di
nos medio ambiente, di embeyecemento di nos isla y man-
tene nos isla limpi y for di aña pasa no a sigui mas cu esaki.
Sr. Howell a indica cu e proyecto aki ta uno positivo. Durante
Milieustraat den e bario ta duna e habitantenan di e bario en
cuestion e oportunidad pa deshaci gratis di nan desperdicio,
por ehempel, un frigidaire, stoof, cashi, sushinan di cura, etc.
cu normalmente lo mester a huur un container pa tira esaki-
nan afo of mester busca un pickup cu kisas hopi no tin. Ser-
limar ta brinda e servicio aki cu e meta cardinal pa un medio
ambiente saludabel y un Aruba limpi. Den pasado tur Mi-
lieustraat tabata exitoso.

Sr. Howell ta contento cu e mandatario tabatin oido pa su
peticion y asina diabierna ultimo 14 di september a combina
e Milieustraat hunto cu World Clean Up Day. Esaki a tuma
den e bario di Santa Cruz y pronto e Milieustraat lo sigui den
otro barionan.

Sr. Howell ta manda un pabien grandi na Serlimar unda un
biaha mas a demostra pakico su existencia ta importante pa
nos pais Aruba. E accion aki a resulta un exito total, unda a
yena un total di 11 container di 30 yarda cu desperdicio. Sr.
Howell ta felicita e teamnan di Serlimar, City Inspector, Infra
Team, ministerio di medio ambiente y tur otro instancia cu a
contribui cu e tremendo proyecto aki y ta keda en espera di e
anuncio di cual lo ta e siguiente bario.
“Un Aruba sin sushi ta un Aruba dushi”.