Page 28 - KPA

NOTICIA DI POLIS :
Antisocial a horta Turista
na MooMba Beach

Published on February 15, 2017 in Uncategorized
ORANJESTAD, Aruba

Dialuna, pa mas of menos 3’or y 7 di marduga, Central a manda patruya na un High
Rise Hotel pa un caso di ladronicia. Eynan a papia cu e homber yama M. kende a
declara cu pa 12’or y mey di marduga, e tabata cu su casa na Mooba beach, ora cu e
casa su tas bruin cu contenido a wordo horta. Den e tas tabata tin un celular iPhone 7
cu un kaft color berde y mas of menos 100 dollar. Keho a wordo tuma. Central a wordo
poni na altura.

NOTICIA DI POLIS :
Homber ta bisa dama cu
e ta loco

Published on February 15, 2017 in Policial
ORANJESTAD, Aruba

Dialuna, pa mas of menos 10’or y mey di mainta, a presenta na warda e dama L y a
declara cu e tabata den un autubus y a papia cu e chauffeur di bus, kende e conoce
como S. Durante su combersacion cu S., un homber desconoci pe (un pasahero den e
bus) a cuminsa papia cu nan. Dado momento e homber a bisa L, cu e no ta bon di
cabes. L. a rabia y a insulta e homber. E ora e homber a bisa L. cu e lo bay tir’e. Segun
L. e homber ta papia Spaño. Ta pa prome biaha cu e dama a mira e homber aki. E tin e
siguiente descripcion; e ta largo, postura flaco, tin beugel den su boca, ta bisti cu un
pechi blauw y camisa strepia. E homber tabatin un rugtas cun’e. E homber a wordo
baha na altura di Cura Cabay Store. L. ta desea pa polis papia cu e homber. L. no tin
miedo p’e, pero mirando cu ta trata un homber di habla Spaño, e no sa si e homber lo
cumpli cu loke el a bisa. Lo bay informa un ke otro na patruyanan pa tira un bista riba e
persona aki. E caso aki tin atencion di polis.