Page 5 - KPA

Estilo sicario brommer ta basha bala ariba auto

den Venzuelastraat

1 hour ago 0 982 Views
Venezuelastraat – Diaranson den careda di mey anochi un señora ta yama polis y ta bisanan cu un
brommer a dal contra su auto y te hasta a los varios tiro ariba un otro auto.
Segun e señora a conta na prome instante central di polis no a compronde bon y ela bolbe splicanan,
kiko a pasa.
E señora a sigi conta nos cu ela caba di busca su casa for di trabou y tawata bayendo nan cas, situa den
Costa Ricastraat.
Wrong Place wrong time
Pa e señora y su casa nan mala suerte e brommer tawata persiguiendo un auto y net e momento
“esnan/esun” ariba e brommer ta los varios tiro ariba e auto.
Den e maniobra, no ta mucho cla pa nos con, e brommer ta pasa banda di pasahero dal contra e auto y
rasca bay. Causando daño na e auto. Ambos persona esta e señora y su casa por a haya impacto di
balanan cu tawata wordo tira. E señora a kere prome cu tawata klapchi.
Polis cu a yega na e sitio ta confirma un brommer mey mey caminda, tambe varios huls banda di dje.
Pues esnan cu a tira a move mes ora di e sitio, no sa si ta den auto of na pia, e lo por ta herida tambe.
Mes ora a avisa esnan concerni, manera recherche y tambe departamento tecnico.
Durante cu polisnan tawata na Venezuelastraat ta yega un dama, cu tawata basta spanta y ta bisanan pa
bay mes ora un adres den Madiki, paso nan lo a tira of ta bay tira. E dama aki posiblemente tin relacion
cu un di e personanan envolvi den e problema persistente aki.
Mes ora otro patruya a ser manda na e adres situa pariba di Anglo Kleuterschool, pero ta constata cu cos
ta keto te na e momento ey y no ta haya ningun huls tampoco.
Cubastraat – Prof. Lorentzstraat
Polis despues di algun rato a bay un adres net algun meter pazuid caminda e incidente di e brommer a
tuma luga. Informacion haya na e sitio ta bisa cu “nan” lo a tira ariba e cas ey tambe. E caya a wordo
cera parcialmente pa asina por a haci un investigacion, pero te na momento cu nos reporteronan tawata
na e sitio no a bin topa cu ningun huls. Posibilidad ta existi tambe cu si a tende tiro y no a haya huls cu
esaki por ta bin di un revolver cu no ta benta huls abou ora bo tira.
Informacion cu tawata circula na e sitio ta papia di reglamento di un cuenta cu tin basta dia andando
caba, dia di Betico anochi laat, e cuenta aki por bisa a cuminsa cu hasta ta papia cu a usa un arma
automatico, e biaha eynan un Altezza a haya varios impacto di bala. Un homber di Fam A ta keda wordo
menciona y ayeranochi un biaha por a scucha e fam ey. Pues autoridad tambe sa di ken nan ta papia y si
no resolve e caso aki rapido morto lo cay y lo por ta di un persona inocente cu lo por ta bay ta na e luga
robes y na e ora robes, manera cu e pasa cu señora y su casa bayendo nan cas inocentemente, por a
bira fatal pa un di nan si un bala a drenta nan auto.
Un dia prome den Madiki mes, un cantidad di 11 tiro a cay ariba un cas y un Kia Rio color
cora.