Page 19 - MIN ON 26 APRIL 2017

10 AWEMainta Diaranson, 26 April 2017

Según Hipólito “Eddy” Ras di POR:

Pa tin un comunidad cu un

miho enseñansa lo tin cu

introduci kwalificatieplicht

den e ley di leerplicht

LEERPLICHT na Aruba ta indica cu un hoben entre 4 pa
16 aña di edad mester acudi na un scol. Momento cu un
hoben cumpli 17 aña, e no ta cay bou di regla di leerplicht.
Na e edad aki ta unda cu e hoben por tuma e decision (con-
huntamente cu su mayornan) si e ta sigui un scol, según
Eddy Ras.

Si tira un bista cua ta e dos factornan cu ta stipula ki ora un
hoben ta un drop-out (drop-outs ta hobennan cu no ta bay
scol bou di ley stipula) ta:
E edad cu mester cumpli cu ne (na Aruba di 4 pa 16 aña).
E startkwalificatie (diploma / nivel stipula pa ley).
E edad di 16 aña ta un edad cu un hoben lo mester por a
termina un scol secundario.
E scolnan secundario cu tin aki na Aruba ta EPB, MAVO y
HAVO / VWO.
Den raport di SER “Drop-outs op Aruba” di juli 2016, ta
señala cu e startkwalificatie no ta stipula cu un hoben mester
tin pa e mercado di trabou.
A base di no tin startkwalificatie, por conclui cu e startkwali-
ficatie ta EPB Arbeidsmarkt.
Pa medio di raport di CBS por mira cu Aruba tin un comuni-
dad di 43,29 % cu tin scol basico of menos como opleiding.
43,29 % cu no ta cumpli cu no tin un scol secundario, Ras
ta splica.
Enseñansa ta prepara / forma personanan pa mercado di tra-
bou. Aki ta un punto unda cu sector di trabou tin un tarea
den enseñansa aki na Aruba.
Den mes un raport di SER ta bin dilanti: cu pa introduci un
startkwalificatie efectivo, departamento di enseñansa y sector
di trabou mester traha mas conhuntamente.
Pa medio di traha conhuntamente, sector di trabou tin in-
fluencia riba e startkwalificatie. E parti di e ley cu ta stipula
e startkwalificatie cu un hoben mester cumpli cu ne ta yama
“kwalificatieplicht”, Ras ta continua bisando.
Pa medio di kwalificatieplicht como Gobierno bo por traha
riba un maneho mas efectivo locual cu ta trata leerplicht. Pa
medio di reforsa e ley di leerplicht cu kwalificatieplicht, como
Gobierno bo ta evita cu un alumno por bira un drop-out y
guia e hobennan pa ta miho prepara pa sector di trabou.
Esey ta haci cu momento cu un alumno cumpli 17 aña di
edad y no ta cumpli cu e startkwalificatie, e
hoben ainda tin cu sigui un enseñansa.
Pa locual cu ta ensera e startkwalificatie
tambe mester stipula un cierto edad cu e
hoben mester keda asisti na un scol.
Kwalificatieplicht ta brinda
e hoben un miho opor-
tunidad cu e por yega
na un miho empleo y
sigui desaroya den su
futuro trabou, Ras ta
conclui.