Page 27 - MIN ON 26 APRIL 2017

26 AWEMainta Diaranson, 26 April 2017

Kerekentenchi Speelschool

a uni cu Stichting Ambiente

Feliz pa celebra

DIAHUEBS 13 di april ultimo, alumnonan di
Kerekentenchi Speelschool a celebra Pasco Grandi
conhuntamente cu clientenan di Stichting Ambiente
Feliz.
E mainta tabata yena cu actividad placentero pa
tur e clientenan y tambe e alumnonan, entre otro
buscamento di webo, hungando weganan di antes y
cantamento y tambe un Easter Bunny pa entretene
e mucha y clientenan di Ambiente Feliz.
A cuminsa e mainta hunto na unda a yama e Easter
Bunny bon bini. E muchanan a canta varios cantica
pa tur esnan presente.
Despues e muchanan a busca webo hunto cu algun
cliente di Ambiente Feliz y e Easter Bunny.
E alumno y clientenan a hunga diferente wega, entre
otro e wega “eierlopen” caminda nan mester a trans-
porta un webo riba un cuchara di un pa otro lugar sin
wanta e webo y sin lagu’e cay. Nan a gosa un mundo!

E alumnonan di Kerekentenchi y e clientenan pre-
sente di Stichting Ambiente Feliz a come un almuerzo
hunto.
Na final tur mucha por a ricibi locual nan a traha
riba dje na scol hunto cu algun webo y un regalito.
E dia tabata un fiesta grandi cu a ser culmina cu tur
e participantenan bailando den kring y despues tur
hende a despidi di Easter Bunny.
E tabata un dushi mainta na unda nos muchanan a
siña den un manera apto pa nan edad kico e ta pa tin
un limitacion y e clientenan a haya un compaño di
nos muchanan cu a haci nan hopi contento. Hunto
como un famia nos a celebra Pasco Grandi.
Pa mas informacion di Kerekentenchi Speelschool
bishita www.kerekentenchispeelschool.com of
fb.com/kerekentenchispeelschool.