Page 10 - UTILITIES_Neat
P. 10
AWEMainta Diabierna, 2 December 2016 17
CIBC FirstCaribbean y WEB Aruba a cende luz di rotonde na Tanki Flip
PASCO a yega den e comunidad di Tanki Flip. Recientemente,
sr. Giovanni Atencio, Country Manager di CIBC FirstCaribbean
conhuntamente cu sr. Luis Oduber, Director General di WEB Aruba
a cende e switch p’asina ilumina e rotonde di Tanki Flip cu luznan
colorido y decorativo di Pasco.
CIBC FirstCaribbean a cuminsa nan operacion recientemente na
Aruba y ta feliz di uni su mes cu WEB pa ta parti di e evento cul-
tural aki p’asina fortalece e vinculo cu e comunidad di Aruba dor
di cende e luznan na e rotonde di Tanki Flip.
Sr. Atencio a bisa di ta hopi gradici na e bario pa e forma con nan a
ricibinan y pa laga e banco sinti y ta parti di e famia di Tanki Flip.
Tambe sr. Atencio a desea e comunidad feliz dianan di fiesta y tur
bos pa e aña binidero.
Sr. Luis Oduber Director General di WEB Aruba a informa cu nan
ta celebrando nan prome lustro decorando e rortonde di Tanki Flip.
El a gradici e comision di decoracion pa e tremendo trabou cu nan
a haci, incluyendo e anochinan largo preparando y decorando.
“E resultado di e bunita decoracionnan por wordo aprecia ora e
luznan cende y asina por aprecia e palabranan di Paz, Amor, Joy y
Dicha ilumina. Ban celebra e ultimo dianan cu amor y hunto manera
un gran famia”, tabata e palabranan di sr. Oduber.
E tambe a decea e audiencia y e comunidad di Aruba feliz dianan
di fiesta y un prospero 2017.
E comision decorativo a duna algun splicacion di e decoracion.
Asina por mira belanan frond di e rotonde cual ta significa paz den
e organisacion y entre coleganan, pero tambe den e comunidad di
Aruba. E palabranan cu ta ilumuna ta papia pa nan mes.
Esaki ta loke e dos organisacionnan aki ta desea e comunidad di
Aruba pa e aña venidero.
E comision sigur kier gradici un y tur cu di un forma of otro a yuda.
E anochi a termina cu e ambiente musical di Gaita Autentico. Tur
hende presente a disfruta di e anochi y e grand musica como tambe
di e bunita decoracion.
Feliz dianan di fiesta y e miho deseonan pa e aña nobo ta bin di
parti di CIBC FirstCaribbean y WEB Aruba.
