Page 8 - AWEMAINTA

8 AWEMainta Dialuna, 25 Maart 2019

Aruba ta detene ilegal y Corsou ta tuma dato so

MIENTRAS cu na Corsou no ta detene e ilegal mas ya cu nan

no por wordo deporta y ta costa estado placa, aki na Aruba deten-

cionnan ta sigui cay.
Diasabra den oranan di merdia y atardi na diferente sitio polisnan

ta haya personanan indocumento den auto.
Durante un control di trafico den Schotlandstraat nan a para un

Toyota Yaris cu glasnan getint. E chauffeur no tawata tin rijbewijs

y tampoco ta local. E momento eynan e no por a mustra ningun
documento di estadia. Ela wordo deteni y hiba warda pa wordo

procesa door di GNC.

Algun rato despues Strandpolitie a para un otro Toyota altura di
Marriott. Den e auto tres tawata tin tres homber. No tawata tin

nada malo cu e chauffeur, pero dos ocupante nan papelnan no

tawata na ordo.
Ambos a wordo deteni y hiba warda. Nan tambe lo wordo procesa

door di GNC.
Di e manera aki casi tur dia autoridad ta topa di un of otro manera

cu un persona indocumenta ariba Aruba. Loke sa pasa hopi ta cu

polis ta hayanan na stuur di auto.
Na Corsou diasabra ultimo tabatin un grupo di 20 a yega abordo

di un lancha pero Polis a topa cu un grupo chikito so. Nan a tuma
nan dato y a laga nan bay.

Recientemente Minister Bikker a informa cu cada ilegal cu ta cera
en espera di nan deportación ta costa Gobierno entre 250 pa 350

florin pa dia, cu ta encera nan cuminsa y tambe si ta necesario nan

remedi y atención medico. No ta conoci cuanto ilegal tin deteni
aworaki, pero si nan ta di Venezuela so, no ta conoci ki tempo nan

lo por wordo deporta y e gastonan pa nan mantencion ta sigui

crece. Gobierno lo mester busca un forma pa yega na un acuerdo
cu Venezuela pa manda e hendenan aki bek den vuelonan special.