Page 25 - ARUBA AIRLINES

Sra. Wyatt- Ras ta splica cu no ta Sr. Nuboer mes como persona ta bou di
investigacion, pero mas bien e compania Insel Air. Si investigacion sali y cu e
persona no a haci nada, no por crucifica un persona si no el a haci nada malo.

Por bisa, pa loke ta trata e asunto aki, el a wordo papia caba internamente, ora
cu el a wordo treci dilanti na prome instante.

Mirando cu Sr. Nuboer ta un persona cu ta dirigi un organo halto, ta importante

pa tin e debido cautela, pero si un hende sali culpabel, ken cu e ta, si e ta
culpabel e ora naturalmente lo tin cu trece e puntonan padilanti, pero ta keda

na e miembro di Parlamento. Ta e parlamentario ta bin cu cierto preguntanan,
cierto sugerencianan cu ta bin, e ora numa por tuma un decision.

Sra. Wyatt – Ras no a tuma nota di ningun pregunta cu a wordo haci al
respecto, cu un peticion a wordo haci na su persona pa e por actua.

Cada organo tin su miembronan, y e mester regla nan asuntonan interno.

Sinembargo, cada parlamentario tin su rol y cu e por cuestiona e rol. Tin e
problema di asuntonan domestico, unda cu a reuni cu diferente miembronan di

diferente fraccion. Pero e asunto di Sr. Nuboer, ta bon cu ora haya un
acusacion, pa verifica esaki prome.

Sr. Nuboer no ta trahando mas tampoco na Insel Air. Y Sra. Wyatt- Ras ta
splica cu su debido tempo, e ta verwacht di Contraloria General pa tuma e

pasonan necesario, pero te ainda no a sali nada afo. Y no por culpa un hende cu
no ta culpabel. No por haci esey, asina no mas. Ta bay daña un persona su

nomber, y no ta paso e persona ta bou investigacion, esey kiermen cu
automaticamente e persona ta culpabel.

Ta keda na cada Parlamentario, si nan kier acusa Sr. Nuboer di cualkier cos
eroneo. Mester laga cada instancia haci nan investigacion. Despues nan lo

mester haci esey. Pero aworaki Sra. Wyatt- Ras no ta wak e necesidad na e
momentonan aki. E caso ta keda algo interno, Sr. Nuboer a trece dilanti tambe