Page 4 - ARUBA AIRLINES

Aruba Airlines prohibi pa bula den espacio

aereo di Corsou

Posted on 03/14/2017 9:59 pm AST | Updated on 03/14/2017 10:13 pm AST
ORANJESTAD – E aerolinea Aruba Airlines a haya prohibicion di bula den espacio
aereo di Corsou awe esta CURACAO FIR TNCF), for di Dutch Caribbean Air
Navigation Service Provider (DCANSP). Fuentenan cerca di e compania a confirma
cu no ta prome biaha cu esaki ta sosode, y cu e problema ta falta di pago na e
instancia concerni. Den pasado caba, varios biaha e aerolinea a haya un prohibicion
asina pa falta di pago. Ta trata di pago di e servicio ora cu e aerolinea ta uza e
espacio aereo di Corsou. Tur avion cu bula den e espacio, tin cu paga un suma pa
cada buelo. Pero e aerolinea no a cumpli y awor ela haya e prohibicion aki. E lista di
matricula di avion ta pone 6 avion, pero en realidad ta 2 avion so e aerolinea tin den
operacion awor, esta un airbus A319 y A320.

E PROHIBICION

E prohibicion ta obstaculisa e operacion di e aerolinea severamente mirando cu nan tin cu
practicamente uza e espacio aereo ‘prohibi’ pa tur buelo. Den pasado ora cu e aerolinea
tabata haya e prohibicion aki, nan tabata paga e suma y tabata ok atrobe. Pero tin
informacion cu atrobe e debe a aumenta di tal forma cu DCANSP a prohibi 5 avion
specifico, P4AAA, P4AAC, LY VEL y L VEM, y cualkier otro avion cu e compania ta
opera. No ta conoci cuanto e debe ta aworaki. Intento pa contacto cu e aerolinea no tabata
exitoso ainda. Foto cortesia http://www.anna.aero/