Page 68 - MIN ON

Marlon Sneek: Fraccion di AVP ta felicita hobennan di HAC
cu exitoso actividad na Eagle Beach

Monday, 17 April 2017 21:05
Comparti

Un actividad grandi y exitoso tabata loke a wordo organisa diadomingo Dia di Pasco Grandi na
Eagle Beach, pa e grupo di hoben di partido AVP, esta HAC cual actividad a dura for di 10’or di
mainta te cu 9’or di anochi.
Un actividad cu a hala cantidad impresionante di hende y cual a conta cu diferente tipo di wega
manda domino na cual grandi- y hobennan a participa, torneo di beach futbol y otro tipo di
distraccionnan y tambe a tradicion buscamento di webo pa e muchanan.
Na mes momento tabatin diferente otro actividad manera contest di forsa entre grandi y
hobennan caminda tambe a participa miembronan di Conseho di Minister contra miembronan di
fraccion di AVP den Parlamento.
Den oranan di anochi a sigui presentacion di dos grupo musical cu a percura pa un tremendo
clausura na e exitoso dia di actividad aki.
“Nos ta manda un palabra di pabien na e hobennan di HAC, Hubentud Activo y Consciente, cu
nan actividad cu tabata un exito rotundo. Nos ta masha contento y orguyoso pa mira con
hobennan ta tuma rienda y organisa e tipo di actividadnan aki y sigur algo cu a cay den bon tera
mirando e ambiente y e cantidad di hende cu duna acto di presencia.
Durante di e actividad aki a bende e dia ey riba 1800 bbq hunto cu riba 500 pan cu hotdog
combina cu hamburger caminda sigur e torneo di domino tabata un exito, e beach soccer y e reto
di condicion entre Ministernan y Parlamentarionan y otro figuranan conoci den comunidad, cu
presencia di hopi atleta conoci cu a participa.
E evento di busca webo pa e muchanan tambe a bira algo hopi agradabel y hopi preta y pa cera e
anochi tabatin actuacion di Perfect Sound y e Tsunami cu a pone un final na un tremendo
actividad den oranan di anochi.
Un actividad hopi grandi y sigur na e hobennan palabranan di pabien ya cu ta un actividad cu a
ser hinca den otro den dos siman y mirando e acogida grandi cu esaki a ricibi cerca pueblo di
Aruba, por a ripara cu tur hende a participa den e serie di actividadnan y mirando cu ta prome
bes e hobennan aki ta organisa un evento asina.
E exito tabata grandi caminda na tur momento tabatin presencia di un cantidad grandi di publico
y nos ta felicita e hobennan di HAC un biaha mas cu nan tremendo esfuerso y un danki tambe
na tur hende cu a bin sostene e grupo di hobennan den partido AVP,” Parlamentario Marlon
Sneek ta mustra.