Page 13 - AWEMAINTA

Diaranson, 7 November 2018 AWEMainta 13

Centro Kibrahacha ta practica e concepto di “Active Aging”

E siman aki Departamento di Salud Publico
a papia riba e tema Active Aging. Esaki ta un
concepto cu World Health Organization (WHO)
a cuminsa traha riba dje. E ta un concepto unda
cu ta encurasha adulto mayor biba un vida mas
activo, saludabel y independiente ora cu yega na
un edad halto.
Den cuadro di esaki DVG a invita entre otro Jef-
frey Matos, di Centro Kibrahacha pa duna infor-
macion riba e tema aki y con nan organisacion ta
contribui na e concepto di Active Aging.
Matos den su introduccion a splica cu ora ta pa-
pia di “aging”, famia ta hunga un rol hopi impor-
tante den cuido y yudanza pa e grandinan. Sigur
ora di hibanan na Centro Kibrahacha y yudanan
p’asina nan por tin cos di haci. E ora ey, ta yega
den e parti di mantelzorg, unda cu por mira cu e
famia, na momento cu un hende bira grandi, cu
yiunan ta cay aden, mester yuda pa hiba dokter,
of yuda pa dun’e sosten na cas. Ta hopi impor-
tante pa por conscientisa, cu ta un tema cu por
sigui discuti riba dje, pa stimula e gruponan cu
tin e rol pa stimula nan mayornan y trece nan.

Centro Kibrahacha ta hopi popular y e ta un luga
unda cu den forma regular tin fluho di miembro
nobo. E ta un Centro cu ta habri di dialuna pa
diabierna. Parti mainta tin actividad, caminda
tur hende por pasa y wak e actividadnan. Centro
Kibrahacha ta 60+. Movecion ta hopi impor-
tante y actualmente a dicidi di amplia nan ac-
tividadnan pa oranan di merdia tambe. E ta bay
specificamente pa organisa tayer pa gruponan
mas chikito. Pa logra haci esaki, nan mester di
ayudo di boluntario, Matos a bisa.
Riba e tereno di embeyecemento total, sin papia
di e fundacion mes, nan ta un rolemodel pa co-
munidad pa loke ta boluntario. Tin 38 boluntar-
io y no ta facil. E tarea tey pa entrena, guia y pa
haci e trabao bon. Ta conoci cu hopi organisacion
na Aruba tin limitacion na boluntario, pero sigur
Centro Kibrahacha ta pensa riba e tereno con
pa stimula mas hende pa bira boluntario y sigui
yuda riba tereno di embeyecemento na Aruba.
Club Kibrahacha 60+ no ta duna cuido. Ta
enfoca riba esaki. Nan ta un centro di actividad.
Tin persona cu ta bin cu rolstoel, otro ta bin cu
rollator, pero semper tin cu bin cu un guia pa
yuda nan, pa si en caso mester bay baño of trans-
porta nan mes riba e infrastructura.
Ta importante pa comunidad di Aruba ta consci-
ente cu e trabaonan cu ta wordo haci, hunto cu
Departamento di Salud Publico y e fundacion y
e otro fundacionnan cu ta traha hunto pa sirbi
nos grandinan, mester ta alerta. Ta importante
pa keda pendiente y keda activo pa stimula nos
grandinan, pa nan keda activo den nos comuni-
dad.
E centro di actividad ta na Piedra Plat 23 y por
yama 5825139, caminda cu por yama semper, pa
haci un cita y nan ta mas cu bon bini.