Page 32 - AWEMAINTA
P. 32
32 AWEMainta Diaranson, 7 November 2018
E di tres conferencia di Banco Central di
Aruba tocante inovacion tabata un exito
DEN un sala di Hyatt Regency Aruba Resort &
Casino yena cu ehecutivonan di sector publico
y sector priva, Banco Central di Aruba (BCA), a
organisa diabierna ultimo e di tres evento exito-
so den cuadro di inovacion, cu e topico e biaha
aki centraliza rond di “Digital Transformation
& the Future of Governance”.
Den añanan anterior BCA a enfoca mas bien riba
tecnologianan den sector priva, p.e., tecnologia-
nan financiero, pero e aña aki a scoge pa cambia
e enfoke riba transformacion di e sector publico
y alabes pa acentua con pa uza tecnologianan
efectivamente pa logra e cambionan necesario
den institucionnan y comunidad en general.
Presidente di BCA, Jane Semeleer, a habri e
conferencia: “Inovacion, institutonan y integri-
dad kiermen poco si no ta involucra nos cuida-
donan. E futuro di gobernacion ta uno inclusivo,
unda nos ta deshaci di e structura y maneranan
di pensa antiguo y yama bon bini na tecnologia
y ideanan nobo cu respet y dignidad.
No por construi un isla inovativo sin desaroya
un isla integro”, tabata e mensahe claro di se-
ñora Semeleer.
Como e prome orador di e evento Prome Minis-
ter Evelyn Wever-Croes a enfoca riba e vision di
Gobierno: “Ta nos vision pa tin un gobernacion
unda nos ta pone e ser humano central dor di
haci uzo di tecnologia na un manera efectivo.
Asina nos por ofrece nos servicionan publico
mas facil y eficiente ”, ta comenta nos Prome
Minister Wever-Croes.
Cu oradornan internacional y nacional, esta
Jane Treadwell, Digital Development Manager
di The World Bank, Andres Kutt, Chief Tech-
nology Officer pa Gobierno di Estonia, y yiu di
tera Dustin Ling, Director Global Public Sector
Banking di Citibank, y un Q&A coordina dor di
Jemi Lacle di the World Bank Group e programa
tabata yen.
BCA kier a gradici tur participante di e evento,
y ta sigui cu e conferencianan aki pa promove
dialogo entre diferente stakeholder tocante ino-
vacion, tecnologia y tranformacion digital.
