Page 7 - AWEMAINTA

Diaranson, 7 November 2018 AWEMainta 7

Rocco Tjon, lider di fraccion di MEP:

Ta importante pa no influencia nos aparato hudicial

LIDER di fraccion di MEP, sr. Rocco

Tjon ta lamenta e ultimo sucesonan den e

aparato hudicial. Sr. Tjon a referi n’e de-
saroyo cu e ta señala den Cuerpo Policial,

pero tambe e detencionnan di periodis-
tanan.

Sr. Tjon a bisa: “Ami no ta contento, esaki

ta mi sentimento dilanti camera y tambe
no dilanti camera”.

PROCESO HUDICIAL
Segun sr. Rocco Tjon ta importante pa

laga e aparato hudicial funciona sin wordo

influencia. E sistema tin su propio “checks
and balances” caminda mester tin permiso

di Ministerio Publico pa un detencion
tuma lugar.

Un Fiscal ta evalua esaki y durante e pro-

ceso e continuacion di e caso ta wordo
evalua dor di entre otro un Huez Comisa-

rio tambe.

DESAROYO DEN CUERPO POLICIAL

Por a tuma nota tambe cu tin bastante
inquietud den Cuerpo Policial. Entre otro

riba e protocol di RST cu mester wordo

firma na januari benidero.
Parlamento ta wardando e ultimo version

p’asina por scrutina esaki. Sr. Rocco Tjon

a splica cu ta keda importante pa autono-
mia hudicial no wordo mina y na mes mo-

mento pa no perhudica existencia di niun
departamento di Cuerpo Policial.

E mesun punto di salida cu fraccion di

MEP a fiha algun luna pasa ta keda exis-
tente.

Segun sr. Rocco Tjon ta importante pa

Cuerpo Policial uni aworaki. Mando Poli-

cial y sindicato hunto mester atende cu e
retonan aki y surpasa nan. P’asina Cuerpo

Policial por sigui brinda seguridad na nos

pueblo.