Page 38 - DESPA

Dr. Lily Beke a habri consultorio den area di hotel

Monday, 24 April 2017 21:58
Comparti

Por a tuma nota di un move hopi grandi cu dr. Lily Beke a haci cu a yama atencion. Ta un
consultorio di area di hotel. El a conta un tiki di e stap grandi aki y con mester interprete.

Dr. Beke a conta cu e move aki a haci’e a base cu tin un mall cu a wordo traha eynan y e
localidad ta masha bon mes. E ta den area di hotel, pero tambe den e area di Noord, caminda
cu tin e poblacion di Malmok, tin Noord mes, tin tur e areanan rond di dje. E tabata antes na
Sun Plaza cu a pasa hopi aña eynan cu bon resultado, pero a mira e necesidad di toch mester
tin un alternativa. E local ta asina bon. El a wordo acerca door di esnan encarga y despues a
evalua. Pa por duna un servicio optimal pa nos bishitantenan, pero tambe na nos hendenan
local. Den combinacion cu consultorio y banda di dje ta duna servicio di ofrece pa facilidad di
remedi y botica.

Reaccion positivo

Dr. Beke ta bisa cu e area di hotel ta masha satisfecho cu e iniciativa aki. Tambe e huespednan
ta contento y hopi ta bin di nan mes y otronan ta wordo manda of treci door di nan hotel,
caminda nan ta hospeda. E reaccion ta hopi positivo, tanto di e guestnan como di e doñonan di
hotel.

Motibo cu turistanan ta bira malo

Un di e factornan cu turista ta bira malo ta solo. Nos tin un poblacion di jong, te den edad halto
entre e turistanan. Vooral esnan di edad halto ta sufri di diferente malesa. Ora nan bin, nan ta
bin cu e malesanan. Otro ta bin malo, di cualkier problema cu nan por tin di nan luga caba y ta
haya muchanan. Ora ta bin den famia, e muchanan cu tambe nan por bin cu nan griep caba of
muchanan cu tabata tin un malesa den klas y nan a hay’e y ora nan yega aki e ta evidencia su
mes y esey ta pone cu e mayornan mester acudi na un dokter pa e wordo atendi.

Ta haya casonan urgente tambe y eseynan ta wordo referi pa hospital. No ta haci nada na e
consultorio cu no ta riba nan tereno.