Page 6 - MIN ON

23
bista politico Dialuna 28 november 2016

Evelyn Wever-Croes(MEP) :

AVP a vota contra pa

yuda baby lunah awor

ORANJESTAD – Durante tratamento di presupuesto si-
man pasa tanto Lider di MEP Evelyn Wever-Croes como
parlamentario Glenbert Croes a trece padilanti e caso di
baby Lunah.

Despues di a consulta cu famia di baby Lunah, a dicidi di trece
esaki den e debate publico pasobra baby Lunah no ta hayando e
sosten di gobierno pa e haya e tratamento urgente cu e mester
haya, y pues no ta keda ningun otro caminda cu trece den Parla-
mento. Ta hopi importante pa Baby Luna h haya yudansa awor.
Baby Lunah a nace riba 3 di december 2015 cu un condicion
genetico cu yama Trisomie 18, cu un buraco grandi den su cu-
rason, y cu a wordo bisa cu ningun dokter lo opera debi na su
syndroom. Sinembargo su famia a sigui busca y a haya special-
istanan dispuesto pa haci e operacion cu lo duna Baby Lunah un
miho calidad di bida y duna mas tempo pa biba. Sin e operacion
baby Lunah ta muri. AZV no kier cubri e operacion pa cantidad
di motibo tecnico.
“Nos no ta di acuerdo cu esey. Ningun hende tin e derecho di
nenga un otro hende derecho di biba. Ningun hende tin e dere-
cho di nenga Baby Lunah e derecho di tratamento. P’esey nos a
entrega un mocion den cual nos ta instrui Gobierno y AZV pa
aproba e tratamento, operacion y cuido di baby Lunah na Merca,
y pa stipula un maneho a base di e caso di baby Lunah pa tur otro
baby den e mesun situacion. Esaki tabata mocion # 15.
Lamentablemente fraccion di AVP a vota contra e mocion aki.
Nan no por a ni duna argumentonan valido. Nan unico argu-
mento ta un technicality, pasobra segun nan den e mocion ta para
cu Baby Lunah no ta haya tratamento, pero segun Desiree Croes
di AVP gobierno a ofrece tratamento pero ta e mayornan no kier
tuma e tratamento.
AVP a presenta su propio mocion cu nan a yama Mocion baby
Lunah, pero esey tabata un mocion pa gobierno bay studia tur
caso di malesanan “no comun”, y bin cu sugerencia. Esaki tabata
mocion # 21. MEP a vota na fabor di e mocion ey pasobra e ta
simpatico, sinembargo e no ta yuda baby Lunah awor.
Baby Lunah mester haci e operacion prome cu e haci un aña, my
esey ta otro siman.
Desde e prome dia cu ami a wak e potretnan di baby Lunah y mi
a wak su wowonan, mi a compromete mi mes pa haci lo maximo
pe. Nos no por bira lomba pa un criatura asina, nos no por nenga
un criatura asina tratamento. Con bo por bisa un criatura asina:
pa klinker, asfalt, fiestamento y biahamento si tin placa, pero pa
abo no tin placa, pa bo bida no tin placa?” tabata palabranan di
Lider di MEP Evelyn Wever-Croes.
Den Parlamento Minister Schwengle tabata masha defensivo, y
hopi arogante. Hasta a compara e tratamento cu mayornan di
baby Lunah ta lucha pe, cu un baño di vicks na Guajira, un co-
mentario cu a cay den masha mal tera mes. E mocion cu nos a
entrega y cu AVP a vota contra, no ta Evelyn of Glenbert su de-
seo, of deseo di solamente e famia di Baby Lunah. E mocion aki
ta deseo di miles di persona cu dia aden y dia afo ta resa pa Baby
Lunah haya ayudo. Nos no ta give up. Awor e caso ta den man di
huesnan, y nos tin FE cu e caso ta sali positivo pa Baby Lunah”,
lider di MEP a declara.