Page 41 - ARUBA BANK

KVK: DESPUES DI 9 LUNA

AINDA GOBIERNO NO TA CLA

CU REFORMA FISCAL

4 September, 2019, 4:49 pm

E reunion aki mester a sosode desde aña pasa caba pa por a presenta e cambionan di

Reforma Fiscal dia 1 di januari 2019. Gobierno no a logra y a keda di introduci e

medidanan aki dia 1 di juli 2019 y esey tampoco no a logra. Pa Camara di Comercio

(KVK), ta imposibel cu awor despues di 9 luna di e aña aki, cu ainda Gobierno no tin un

documento fiho di kico e ta bay haci, sino a bin cu opcionnan awe y cu
recomendacionnan di IMF. A warda 9 luna pa awe haya “nada” pa mira, segun e

organisacion di comerciantenan.

E Presidente di Camara di Comercio, Kawish Misier no tabata contento pa e forma con

Gobierno a organisa e sesion cu gremionan comercial. Nan tabatin problema cu no a

invita tur gremio, cu e evento a cuminsa hopi laat mes, cu a cambia agenda e ora ey ainda

y a papia un idioma bruha riba kico ta e futuro fiscal di nos pais. En bez cu Gobierno a
presenta kico tur e expertonan Fiscal a prepara tur e lunanan, awe a presenta simplemente

loke organisacionnan internacional a conseha nan. Esey defintiviamente no ta locual

comerciantenan a spera di mira.