Page 2 - DIGICEL

2 Djarason 17 òktober 2018
Kòrsou a pidi Ulanda

yuda den e situashon

migrantenan venezolano

WILEMSTAD.- Minister Rhuggenaath, ayera a duna Parlamento di Kòrsou riba
Presidente Sr. Eugene un splikashon amplio den e situashon di Venezuela i
su influensia ku e tin pa ku
Kòrsou.
Minister Rhuggenaath
a splika ku e situashon di
Venezuela ta bayendo atras
dia pa dia. Tin un krísis
polítiko tumando lugá i
demokrasia ta bayendo
atras. Esaki ta trese un
impakto ekonómiko pa
Kòrsou tambe.
Banda di e impakto
ekonómiko, tin un krísis
humanitario tumando lugá.
Hopi hende ta saliendo for
di nan pais Venezuela i
Kòrsou no ta un eksepshon
pa esaki.
Tin un oumento di
krímen manera trafikashon
di hende enfermedat ta
krusa frontera ku e krísis
aki. E problemanan aki
ta afektando tur pais den
serkania.
Minister Rhuggenaath a
splika ku Kòrsou mester por
bisa su ruman grandi, den
e kaso aki Venezuela ku ta
basta awor, no mas no por
sigui asin’aki.
E impaktonan ku ta
afektando nos mas tantu ta
e venezolanonan ku ta bin
Kòrsou.
Tin un fluho di migrante
ku ta yega Kòrsou mester
keda atendé den un forma
balansá i urgente. Ta mashá
importante pa Kòrsou duna
un trato humanitario i
korekto pa tur estranhero
Rhuggenaath ta bisa, pero
mester tene kuenta ku nos
leinan di imigrashon i nos
interes legítimo di Kòrsou.
Kòrsou ta den un
situashon ekonómiko
delikado i frágil tin
desempleo haltu i vários
problema sosial.
Komo pais chikí nos
tin un grado haltu di
vulnerabilidat. Si tuma
migrantenan for di
Venezuela, esaki lo tin
konsekuensia grandi pa
Kòrsou. Ya kaba tin preshon
riba nos merkado laboral,
bibienda i edukashon.
Gobièrnu tin di sirbi
interes di Kòrsou promé
i esaki ta motibu ku
aktualmente Kòrsou ta
deskurashá venezolano i
ta manda tur bèk nan pais
ku no tin e dokumentunan
adekuá.
Sigui lesa pagina 37