Page 11 - AWEMAINTA
P. 11
Diasabra, 7 September 2019 AWEMainta 11
Accident entre auto y un bromer,
Chauffeur di e auto no a mira
bromer ta bin y a lora su dilanti,
e motociclista a keda herida
DIABIERNA pa mas o menos 12’or y 15 di merdia,
Polis y ambulance a wordo notifica di un accidente se-
rio entre un bromer y auto, riba e caminda prinicipal
di Hooiberg.
Mesora varios unidad di Polis a wordo manda na al-
tura di Hooiberg Store, caminda e accidente a caba di
tuma lugar.
Na yegada nan a topa cu e motoclista benta riba ca-
minda, cu corta serio na su brasa y tambe posibel frac-
tura n’e mesun brasa.
N’e sitio nan a bin compronde cu loke a sosode taba-
ta cu e bromer tabata bayendo direccion Cumana y ta
haye confronta cu un señora tras di stuur di un Toyota
Yaris cu a bira su dilanti. E señora a bira na su man
robes sin duna e bromer preferencia.
E bromer a dal den banda drechi di e auto, n’e parti
patras. Durante e impacto, un brasa di e motociclista a
pasa dor di e glas patras, heridando su mes seriamente.
Algun minuut despues cu Polis a yega n’e sitio a
presenta dos ambulance. E paramediconan a haya e
homber na tino y por a comunica cune. Despues cu nan
a stabilisa e motociclista, nan a transporte pa Hospital.
