Page 21 - HOH

Djabièrnè 28 Desèmber 2018 39
Mester kòrta
suku i salu
PAHO a kuminsá
kampaña pa
mihó estilo di
bida den 2019

WILLEMSTAD.- E
organisashon regional di
salú PAHO a emití diferente
punto pa un bida balansá
den 2019. E organisashon
ta sumamente preokupá ku
un gran kantidat di malesa
ku ta derivá for di mal
kustumbernan ku tin nos
region, impulso entre otro
pa e echo ku hopi hende
no ta kome bon. Kòrsou
tambe tin plannan grandi
riba e tereno aki pa 2019 pa
asina tur hende traha riba
e partinan fuerte di un bida
ku balansa.
Den e rekomendashonnan
di PAHO publiká e siman
aki, e organisashon ta bisa
ku loke nos ta kome i bebe
ta duna nos kurpa e abilidat
pa bringa infekshonnan
i ta prevení ku mas lat
den bida nos lo haña nos
konfrontá ku problemanan
manera obesitas, problema
di kurason diabétis i
diferente tipo di kanser.
PAHO ta bisa sinembargo
ku no tin un lista eksakto di
ingrediente pa tur edat. Un
dieta balansá ta dependé di
diferente faktor, entre otro
di edat i kon aktivo nos ta i
tambe di e kantidat i kalidat
di kuminda ku ta disponibel
kaminda kada hende ta
biba. Pero den tur kultura
tin algun kos ku ta komun
pa yuda tur hende biba un
bida salú i mas largu, asina
e organisashon ta bisa.
Komo promé prioridat, e
organisashon ta bisa ku tur
hende mester tin un dieta
balansá ku ta tene kuenta
ku nos kurpa ta kompliká.
No tin un kuminda so ku tin
e nutrientenan nesesario
i ta p’esei mester usa un
variedat di kuminda pa
asina nos keda fuerte. Den
un kuminda balansá mester
tin karni, piská, webu, lechi
i tambe otro produktonan
manera berdura i fruta.
Si bo ta kome karni ta
rekomendá karni ku ménos
vèt. Ta bon pa ora ta kome
pa no kushiná karni i otro
produktonan pero herebé
nan.
Otro rekomendashon ta
pa kòrta den salu ku ta un
di e fuentenan mas grandi
di problemanan di salú.
Demasiado salu por hisa

Sigui lesa pagina 44