Page 22 - DESPA.

Tin hopi caso a bay for di man pa loke ta

comportacion di acompañante di pashentnan den
exterior

on: November 24, 2016In: LocalNo Comments
Print Email

Pa AZV tin hopi caso cu a bay for di man pa loke ta e comportacion di personanan cu ta biaha hunto
cu un pashent pa exterior, paso e disgusto cu tin na e clinicanan, ta bisto, segun vocero di AZV,
Solange Tchong.
Ta bon pa bisa cu ta papiando awor aki di situacionnan cu a sali for di man. Un biaha mas AZV sigur
ta kere den un bon acompañante social. Un acompañante social cu tambe sa con pa relaha su mes.
Ta un situacion unda cu bo ta trata cu hende malo. Tin ora cu bo ta bay pa un periodo di 3 siman.
Tin algun acompañante ta bay pa 3 luna den exterior. Mas cu claro no ta papia di situacionnan unda
cu sanamente e acompañante social por kisas bay afo pa relaha su mente un rato of hasta hiba e
pashent cun’e. Kisas dal un keiro chikito, pero loke ta referi na dje ta e señalnan cu a haya di algun
clinica, unda cu en berdad nos hendenan a mal comporta nan mes. AZV ta kere cu esaki no ta
corecto.
Actualmente no tin ningun consecuencia cu excepcion cu AZV mes internamente ta papia over di e
casonan aki. Ora cu haya e señal, ta papia riba dje y tin pensa di traha un tipo di blacklist, cual
kiermen cu lo bay tene un registro di kende tin acompañantenan social y unda cu a haya e señal of
a wordo notifica cu e comportacion no tabata corecto of no tabata debido. Ta personanan cu den
futuro AZV lo mester sinta y papia cu nan pasobra no ta sigur cu lo kier pa un persona asina sali